[مشاعل الدوسري]

السلام عليكم ..

عزيزتي مو شرط لما الولد او البنت يسون شي غلط
مثلا يكسر شي يعفس الصاله يطيح من العصير الحليب اي شي
او شي بيسويه بيناظر في الأم و بعضهم و لا همه انسدح و راح يكمل لعب..


انا ولد زوجي لما يسوي شي غلط .. على طووووووووووول يناظر فيني .. و بخووف ..

على حسب الموقف اتصررف ..

مثلا لما يعفس الصاله اقوله تعال ..
كذا المنظر حلو مو حلو لازم يكون مرتب
و اطلب منه انه يشيل الأشياء اللي طيحها
على الأرض و من بعدها ارتب قدامه
و اوريه الفرق اقوله لو تبي المخده خذ لك مخدتين 3 اربع و
انسدح لكن انك توزعهم على الفاضي لا .. كذا عيب ..
فا صار من نفسه بعد فتره لو عفس الصاله يرتبها قبل
لا نطلع من البيت و انا اقوله ماله داعي يقولي لازم كذا عيب
و يسكر التلفزيون و الدش خلاص يشوفني ايش اسوي يسويه ..

بخصوص الالعاب..

لما يخلص من اللعب قبل يوم كان عمره سنه و نص كنت اجيب الألعاب
و العب معاه بلصاله او بغرفة نومه ...
و ننبسط ساعه ساعه و نص بستهبال .. و ننط من مكان الى مكان ..
اخر لعبه نلعبه مين يجمع اكبر عدد من الألعاب و يرجعها مكانها ..
فا كنت اسوي سباق و اركض اجمع الاغراض و هو حماس معاي
يجمع و يرجع بلخيمه و يحاول يكون اسرع مني اوقات
اخليه يغلبني و اوقات اقوله انا اسررع منك ..
لانه ذكي بيفهم لو هو دايم يفوز اني انا اخليه يفوز بس عشان يسكت
و بنفس الوقت خلاص من بعدها الولد تعود يلعب
بألعابه و يخلص يرجعهم للخيمه ..

بخصوص الحمام

موضوع يبيله صبررررررررررررر
نجي للحمام من عمره سنه و 7 شهور تقريبا كنت اعوده
انه يدخل الحمام يعني اوديه الحمام كل ساعتين
لو حتى ما تبول و لا سوى شي بس اني ابي اعوده على الحمام ..
فتره طويله عشان يتعود ..
لاني بوقتها حامل ..
فا عودته من بدري و الحين الحمدالله
صار يحكي لي ابي اروح الحمام و دي بكذا و كذا

كل هذا الموضوع يتعلق بلصبر ..
بكل هذا ما انكر وجود العقاب ..
ضربته من الحره و التعب كنت توني والده و النوم مو
مضبوط و الحاله حاله
3 مرات ضربته .. لما اتبول بمفررشه لكن لما امي شافتني ..
العنت خامس خامسي و هزأتني هي مع ابوي و عطتني محاضره طويله ..
فا اعترفت بغلطتي و قلت لهم انا من التعب صرت ما اركز فا قالت لي
امي الطفل لما يتبول .. و هو نايم شي مو بيده حتى و هو يلعب ..
قلت لها ادري بس انا اعصابي تعبانه قالي ابوي مع نفسك مو على الولد ..

فا بأحد المرات تبول بفراشه ..
فا كان خايف حده ما نسى الضرب اللي قبل في باله ..
فا جيت قلت له وسخت مفرشك معليش ..
يلا قووم الولد علامات تعجب كبيرررررررره ..
و بنفس الوقت مازال خايف خذيته و ديته الحمام سبحته
و غيرت ملابسه و شلت المفرش و غسلته ..
و تكلمت معاه و قلت له المره الجايه تبول بلحمام عيب نسويها
هنا فا قالي ايه انا شرربت كثير عشان كذا و مارحت الحمام
لما نمت ما سمعت كلامك و سويت كذا
فا اقوله خلاص المره الجايه تسمع كلام ماما عشان ما يصير كذا ..

لاني تكلمت معاه بهدؤء و تعاملت معاه بكل حنيه .. و هو غلطان ..

طول اليوم قاعد بحضني و بوسه من اليمين و بوسه من الشمال ..



عموما في تربيتي للولد عشان يتعلم الشي لازم امدحه و غير المكأفأت ..
فا لما تعود انه ينام بغرفته سويت له حفله صغيره و قلت لامي و اهلي و كل اللي يشوفه اخليه يمدحه لما يروح الحمام يالله تصفيق
و نأخذه بحضنا و وديته الملاهي و امي ودته السوق و اشترت له العاب ..
فا بكل مررره يسوي تصرف كويس امدحه و اذا قدرت اكأفئه اكأفئه لو بقطعة شوكلت .. او قطعة كيك ..



و دايم بأغلب الأوقات حتى و الطفل بيتفرج على التلفزيون خذيه بحضنك و بوسي فيه العبي بشعره و احكي معاه هذا الشي يشيل حاجز الخوف ..
و اي شي غلط بيسويه لازم تتحكمين بأعصابك و تبتسمين مو تعصبين و ماده البوز و الكشرره على الوجه اكبر من وجهك .. عشان الولد ما يخاف ..

و التصرف يكون اوقات على حسب الموقف ..


و لو صار انك ضربتيه و ماتحكمتي بنفسك لازم تكلمينه بعد ما يهدأ
و تعتذرين له و تبينين له انه غلط و انك انتي غلطتي بحقه

لما تعتذرين له و تعترفين بغلطتك و تشرحين له السبب راح يكسب ..
منك مهارة الاعتراف و عدم الخوف من الغلط..
و مهارة الأعتذار ..


و مهما كان الطفل ما ينام و هو زعلان منك ..

دايم خذيه بحضنك قبل النوم و احكي معاه بكل شي هو سواه مثلا قوليله اليوم انا مبسوطه منك كثير عشان انت كنت مؤدب و عاقل و سمعت كلام ماما عشان كذا بكره بوديك النادي او الكورنيش او اي مكان بتقدري توديه ..
و بخصو الغلط قوليله انا اليوم زعلت منك لانك سويت كذا و كذا و كذا غلط صح المره الجايه ما ابيك تسوي كذا لانه مو حلو عيب حبيبي انت لازم تكون بطل و مؤدب لانك حبيبي و هيك شغلات ...

صدقووني بهذا الطريقه الطفل راح يصير قريب منكم ......



و تذكرت لما الطفل يصحى من النوم لازم الترحيب يا هلا بحبيبي صحيت مممن النوم او صباح الصباح ..
فديت اللي قعد عوديه على الكلام الحلو داايم و تجنبي الالفاظ السيئه ..
و لا تسبينه لما يغلط .. يا غبي يا كلب يا ثور .. يعني اذا قلتي له كذا كيف تبينه يفهم و يتقبل تعليمك له ..