[غرااام]

بقولك تجربتي الي مريت فيها قبل عشرين يوم تنفست ببيتي ولله الحمد
طبعا قبل كنت دائما اتنفس في بيت اهلي والكل يخدمني من غير الخدم وكل شي يقومو فيه اهلي وطبعا زوجي مايقصر بالاغراض كل شي زوجي يجيبه على طول وكلفه فوق الخيال
وكنت دائما ابحث عن الراحه النفسيه لكن للاسف ماحصلتها غير لمن اتنفست في بيتي
اكيد تبغي تعرفي السبب يا حلوه
السبب انوا لمن كنت عند اهلي كان صعب ان زوجي يجلس معايا انا والبيبي وقت طويل وبالذات وقت الصباح لمن يصحى البيبي احلى اللحظات الي للاسف كانت تروح على زوجي المسكين
من غير تحملين الناس جمايل لك وفي زمن هاذا ماودك احد يتجمل فيكي وانتي تقدرين تستغنين عن جمايله حتى لو اخوكي ولد امك وابوكي
وغير كيدا زوجي يتعب في الصرف الي للاسف محد يذكره لا وينقال انه مايجيب شي والمسكين ذبايح وخضره وفواكهه وكل كل شي هو مايحب احد غيره يقوم بواجباته او حتى يتكرم علينا
المهم ومن قبل النفاس وانا اسوي شغلات تنفعني بالنفاس
مثل فطاير وافرزها خضار افرزه كمان عشان احطها مع القرصان الي كمان تكون مفرزه حتى الكشنه الي هي البصل والطماطم اطبخها كويس واقسمها في اكياس عشان كل شي يكون جاهز وماياخد وقت الطبخ اكتر من دقائق معدوده لان كمان عندي اولاد وكمان حتى الثوم اقشره بكميات واطحنه واوزعه باكياس وافرزه تخيلي لدرجة عملت مرق الي يكفي لمدت اسبوع وفرزته وطلع ولى احلى حتى عجب زوجي كتير وكنت محضره كم اكله وحطيتها بالفريزير الي زي الثلاجه بس برودتها اقوى شوي من الثلاجه العاديه مثل الايدامات والصواني يعني بس كنت اسخنها مجرد تسخين لاني بصراحه مااحب اكل المطاعم ومعوده زوجي على كيدا وحجات تانيه كتير
وملابس البيبي كثرتها بحيث ماغسل الملابس كل شوي حتى ملابسي
المهم الاسبوع الاول كان كل شي من الاكل جاهز من مطاعم شعبيه وكان زوجي يساعدني بالبيت من ناحيت التنظيف وكل شي استخدموا من البلاستيك الاكواب الاطباق
على فكره انا كمان ساكنه بمدينه واهلي بمدينه واهل زوجي ساكنين عندي لكن علاقتي رسميه ولله الحمد وعلى قولك محد ينفعكي حتى لو القرب الناس لك
وكان احلى نفاس اتنفستوا والراحه النفسيه عال العال ولله الحمد
وانا موجوده لو حبيتي تستفسري او تسالي يالغلا