السلام عليكم و رحمة الله و بركاته
كيف حالكم يا اخواتي العزيزات ان شاء الله الجميع بخير
حبيت أطرح هالموضوع عليكم انا صرلي 11 شهر متزوجة وبعد شهر و نص اكتشفت انو عندي تكيسات عالمبايض و رحت لأكتر من دكتورة وإلى الآن ما استقريت عن وحدة معينة
آخر شي دكتورتي كانت باجازة وصار معي الم اسفل البطن فاضطريت اروح عند دكتورة تانية
وهلأ ماني عرفانة أكمل عند أي وحدة و من وين رح أبلش وخاصة انو كل دكتورة بتحكيلي شكل وآخر وحدة قالتلي اني سليمة ومافيني شي بس أعطي لنفسي فرصة و بحمل ان شاء الله
فسؤالي الكن يا بنات :
- شو هي الأسس يلي على أساسها بتختاروا الطبيبة ؟
- اذا كانت الطبيبة مشهورة بس زحمة عندها كتير و رح ننتظر ساعات لبين ما يجي دورنا فهل انتو مع هالشي تضييع الوقت و التعب بالانتظار ؟
- تجاربكم مع أطبائكم
- اذا الدكتورة شاطرة بس ما ارتحتوا نفسياً معها ؟
- هل بتفضلوا الطبيبة تكون جنسية معينة أو دين معين يعني مسيحية او مسلمة عربية أو هندية هاي الأمور بتاخدوها بالحسبان ؟؟
والله يجزيكن الخير يا رب