السلام عليكم ورحمة الله وربكاته
ازيكم يا بنات كل سنه وانتم طيبين انا الشهر ده عملت اشعة الصبغه والحمد لله علي كل حال طلع عندي أنسداد في الأنبوب الايمن لكن الأيسر مفتوح وكنت واخده كلوميد الشهر ده فلما رحت اتابع التبويض طلع ان المبيض اليمين اللي جمب الانبوب المقفول هو اللي مطلع بويضات مردتش اخد بقي الأبره التفجيريه قولت ملهاش لازمه واكتفيت بأني اخد دوفاستون علشان ينزل الدوره بس سؤالي دلوقتي من ساعة ما بدات اخد الدوفاستون وانا جيلي الام في بطني زي الالام اللي حسيتها وانا بعمل الأشعه وخايفه جدا من الدوره الشهر ده ياريت لو حد عنده فكره يفيدني هل الالم ده من الدوفاستون والا ايه
وياريت اللي حملت وعندها انبوب واحد تديلي امل لاني من بعد الأشعه وانا محطمه وكمان قبل ما اعمل الاشعه عرفت اني عندي تكيسات وكنت بتعالج منها يارب اكرمني وارزقني وارزق كل محرومه ياااااااااارب