[صبُر]

الله يسلم قلوبكم ويعافيكم

انا ولدت بمستشفى الولاده
يوم الدكتور طلع المشيمه
وقبل الخياطه يتاكد من نظافة الرحم
قال لي فيه تمزق ولازم نخيطه
من قوة الدفع :(
والحمدلله على كل حال


اول شي حسيت بالام الطلق يوم 27 رمضان
عالساعه 11 الظهر
ورحت وكشفوا علي قالوا الرحم مفتوح 1 ونص سم
ورجعت البيت واكلت انناس وشربت كوب قرفه
وقعدت امشي بالبيت
لين الساعه 5 العصر خلاااص حسيت اني ماقدر اتحمل
ورجعت للمستشفى
وكشفوا قالوا الرحم مفتوح 5 سم
ودخلوني غرفة التحضير عالساعه سته الا ربع
وانفتح الرحم 10 سم عالساعه 12بالليل
والساعه 1 بالليل ولدت
على وحده ونص دخلوني العمليات
وتخدرت مادري متى خلصوا بس صحيت الساعه 4 الفجر
لقيت نفسي بغرفه ثانيه مو نفس غرفة العمليات
وطلعت من المستشفى يوم 29 رمضان . .

الحمدلله الممرضه اللي كانت معاي وقت الطلق
الين الحين ادعي لها
كانت طيبه واخلاق وتحملتني كثير
كل ماجات تكشف اطفششها اخاف واتردد وهي تقنعني وتهديني
والدكتور اللي ولدني كمان الله يسعده
كان مره طيووب
الله ييسر لهم امورهم ويريحهم مثل ماريحوني

وعقبالكم يابنات الله ييسر لكم ولاداتكم ويرزقكم اللي تتمنون . .