في اخر يوم في رمضان واللي هو ميعاد نزول الدوره
مقدرتش استني وخليت زوجي يجيب تحليل منزلي
وعملته قبل الفطار بساعه
الخط التاني طلع بعد ثواني وكل شويه بيغمق
بعد الفطار علي طول رحت المستشفي وعملت تحليل والحمد لله طلعت النسبه 233.5
ولما قلت للدكتوره اني عندي مغص ووجع جامد عملتلي سونار خارجي وداخلى ومشفتش حاجه
وشكت في حمل خارج الرحم وطلبت مني اعيد التحليل بعد يومين
ولما عدته طلعت النسبه671
وان شاء الله هعمل سونار بعد يومين
فعلا المنتدي وشه حلو عليا وطبعا ده كله بعد فضل ربنا
يارب يرزق كل اللي نفسها تحمل
وادعولي ربنا يتمم لي علي خير
ويرزقني الذريه الصالحه المعافاه حسنه المنظر بدون زياده او نقصان