السلام عليكم
يسعد صباحكم كروشات
كيفكم وكيف صحتكم وكيف كروشاتكم الله يجيبهم بالسلامه
حبيباتي اكتب لكم كلامي هذا وقلبي متقطع على ولدي عمره ثلاث سنوات بس انا جنيت عليه للاسف انا عصبيه جدا وهو عبيط شوي واذا ازعجني او خرب لي شي بالبيت اعصب واضربه والمشكله ما ارتاح الا بضربه على الوجه ادري خطا بس لحظتها ما ادري ايش يخليني كذا مع اني حنونه بشهادة اهلي وزوجي وحساسه بس اذا عصبت انسى نفسي والمشكله ضربي له اثر عليه صار يخاف من الكل ولما اعصب من اخوه يترجاني يقول ماما لاتضربيني اقوله انتا ماسويت شي ليه اضربك ولما امشي من جنبه يحط يده على وجهه وينكمش على نفسه واذا اخذ اي شي من غير مايقولي لو شي عادي وشفته شوي ويبكي ولما العب معاه واقوله تعال على اني اجري وراه واضحك يخاف ويبكي ولما اعاتبه على شي يبكي لاتضربيني
امس خليته عند عمته ورحت للسوق واليوم ارسلت لي رساله تقول ماقدرت تنام تفكر فيه وتطلب مني اني ما اضربه تقول لو ارفع يدي لاي سبب يحط يده على وجهه ويجري خايف منها حزنتني على ولدي
ساعدوني قبل لا يضيع ولدي افكر اروح لطبيب نفسي بس زوجي ماراح يوافق انا مشكلتي عصبيه مع ان ولدي هذا اهدا واعقل من اخوه اللي مجنني ومع ذالك ما اضربه كثير يمكن لانه صغير عمره سنتين
والله تعبت نفسيتي بعد رسالتها ودموعي ماوقفت
ادعوووولي وله لاتنسون في هذا الشهر وهذي الليالي وارشدوني لحل يساعدني ويساعده واذا تعرفون ارقام مرشده اسريه او طبيبه نفسيه ياليت تكتبونها لي وللبنات ممكن يستفيدون باذن الله