السلام عليكم
اللهم صلي على نبينا وسيدنا وحبيبنا محمد عليه الف الصلاه والسلام
هاي بنات شلونكم ابوي شخباركم فديتكم ...
ثبل كل شي بترحبون فيني ولا لا
انا بعرفكم تفاصيل عن نفسي خفيفه انا بحرينيه وعمري 19 وتزوجت في الكويت تقريبا بطق السنه من زواجي طيب
وانا وحيده يعني مافي لي هنا الا اهل زوجي واهل الوالده الله يطول لي بعمرها وانتو تعرفون الغربه صعبه وكذا
عشان كذا انا ابيكم تصيرون انتو هلي واهل لكويت حبايبي والله وع راسي والله ابوي انتو
المهم المهم
بقول لكم الزبده الحمد الله والشكر لله الله اطعمني باول حمل لي
قالو لي صار لي شهر واربع ايام وكل 14 الهر ادخل شهر من حمالي
يعني انا صار لي حاليا شهر و4 ايام
ابيكم تحسبون وياي وخبركم اول مره حمال وبعيده عن الوالده والمفروض هي تجاريني وام ريلي جيل اول يعني مالها ومال سوالف المستشفيات وكذا اليوم رحت المستشفى ولوصه وغفسه الله لا يرويككم...
طيب تكفون بليز ابي نصائح لاول حمل وايش اسوي وايش اكل وايش اشرب وشنو اللي يضر ويفيد وايش الادويه والفيتامينات اللي لازم اخذها يعني بالمختصر ابي حمايه لي وللجنين والحامي الله سبحانه وتعالى والنعمه بالله
ابي دعواتككم وانا مثل اختكم والله الله فيني وما بقصر وياكم ابوي كل شي قولوه وكريمات ما كريمات للتشققات وامور حمال ما اعرفه كل شي قولوه لي ما اعرف شي ترى ع الله ثم عليكمم ترى وتسلمون
وجزاكم الله خير وادري طوله معاكم بسس مجبوره اعرف منكم
واللي بترد عليه يعطيها الف عافيه
سلامتكم حبايب قلبي