السلام عليكم
بنات انا اليوم ١٢ من الدورة واستخدمت جهاز اختبار الاباضة واليوم كان اول يوم بصير الخط التاني بغمق الاول يعني اليوم اوبكرى اباضتي ومكتوب بالورقة بس صار الخطين بغمق بعض لازم يصير جماع بنفس اليوم وبكرى
حاولنا انا وزوجي يصير جماع بس ماقدر زوجي بس مبارح صار جماع وماكان اباضة واليوم زوجي رغم انو حاولنا كتير بس ماصار والشهر المضى صار نفس الشي بايام الاباضة
والله رح طق من قهري وهلق عم اكتب وغرقاني بدموعي ليش هيك عم بصير معي ياربي دخيلك ارحمني واكتبلي الحمل بهالشهر الفضيل قولوا آمين
واللي اكتر شي زاعجني حماتي كل ماعرفتني ماحملت بتشمت وبتكايد فيني وهي جاي لعندي بعد شهر وكمان يللي اكترشي قاهرني صارت تقول لزوجي اني ماكنت حامل ولاشي انتوا بتعرفوا اني كنت حامل من ٧ اشهر بس اجهضت بالشهرالتاني من الحمل وبتقلو لزوجي لو كانت فعلا حامل ليش لهلق ماحملت بقولو الساقط لاقط والله كتير قهرتني بكلامها وصايرة تعايرني بالحمل
اسفي بنات طولت كتير بس مالي غيركن اشكيلو همي سامحوني
بتمنى من الاخوات المشرفات ماينقلو الموضوع لاني رح نزلو بغير منتدى كمان