[مشاعل الدوسري]

السلام عليكم ..

هذا عيب منك .. احساسك بلنقص و انك غير لانك بقرارت نفسك مو مقتنعه ..

خليكي صريحه في قعدتك مع جيرانك و اتكلمي بوضوح عن نفسك و عن وضعك عشان هم بعد يقدرون هلشي ..


يعني بفهمك اكثر ..

لما تقابلينهم ..
ضحك و وناسه و سوالف افتحي موضوع تتناقشون فيه ..
مثلا:
شرايكم بلمظاهر الاجتماعيه ..
ماتحسون ان هلايام الناس صارت ما تتواصل مع بعض الا بجوالات بلاك بيري و اي فون و اي باد و ايبود
و واتس اب ..
كل وحده بتتكلم و بتقول رايها ..
و انتي بتقولين رايك .. خليك في الوسطيه في رايك ..
يعني ليس مع و ليس ضد ..

من خلال كلامك اشرحي لهم طريقة تربيتك .. و ايش عاداتك و ايش تقاليدك ..


انا شخصيا لما اتقابل مع الناس اقولهم ان انا شخصيه متحرره جدا لكن لي قيودي و حدودي و حق المجتمع علي ..

يقولون لي مشاعل كيف انتي فري مره و انتي تزوجتي واحد حاليا خليكي تتغيرين ..
اقولهم انا متحرره بأفكار لكن مو كل افكاري احكيها للناس .. اولا
ثانيا التحرر ما يربطه المظهر .. اني لازم اكون اكشف عشان ابين لكم اني متحرره ..
ثالثا زوجي مبني على اتفاقيه بيني و بين زوجي هو حكى لي شروطه و طلباته و انا حكيت له شروطي و طلباتي على اساسه ارتبطت فيه و بقناعه ..




في النهايه ..
اقولك نصيحه ..

اعزمي جاراتك في بيتك و بين لهم ايش هي قيودك
بين لهم مستوى معيشتك و حدودك بلصرف ..
بعد كذا بترتاحين .. صدقيني انا كنت افكر اني لازم اكشخ عشان اقاابل جراتي او صديقاتي ..

الواحد يكون نظيف و مرتب و كريم و لبق بلكلام هذا اهم شي ..

اذا هم من النوعيه اللي بيقيسون علاقتهم فيك على اساس انها مظاهر و لازم تكوني بمستوى كشختهم و لبسهم
انتي ما خسرتي شي ..


مريت بموقف محرررررررررررررررج ..
امي صديقاتها تجار و بنات عوايل غنيه احنا الحمدالله بين الوسطيه .. اوقات تمر علينا ظروف ماديه لكن الحمدالله احسن من غيرنا ..

المهم في احد جلساتهم كل وحده قاعده تقول من وين جابت لبس العيد كان ثاني ايام العيد اتوقع والله ما اذكر بلضبط ..
قالت وحده لبسها كان عادي مررررررررررررررررررره انا بدلتي اللي لبستها مكلفتني 5000 تقريبا مشتريتها من لندن ..
امي قالت لها هذي مشاعل عبايتها ب 200 و لبسها كله اللي شرته بلعيد يمكن اكثر من 4 بدل كلفوها 500 ريال ..
امي فصفصتني قدامهم هههههههههههههههههه
قالت لها مرده ينقط بلزباله و لا يخيس بدولابك ..
عليك بلعافيه ..
العيد فرحة لقاء الاحباب و القرايب و الاصحاب و اذا على اللبس اي شي المهم مستوره ..



طبعا امي تكلمت بطريقه مرحه و عفويه و اسلوب مزح لكنها دقتهم على الوتر الحساس
من بعدها ما صارو يتكلمون و يقولون هذا بكذا و لا هذا من باريس و لا من المانيا


صارو يحترمون تعدد الطبقات و يراعون لبسهم قدامنا ..