بسم الله الرحمن الرحيم السلام عليكم ورحمة الله وبركاته اخواتي حبيباتي اتمنى لكم شهر مبارك وفضيل عليكم وبدون مقدمات حتكلم وانا سجلت بلمنتدى لانو كل ما ابغى موضوع يخصالتكيس والعلاج واعراضه بالاقيه بهذا المنتدى واستفيد والحمدلله والكتاب مبين من عنوانه انا صارلي 11 شهر متزوجه والله ماكتبلي احمل وبداية الشهور الاولى ماهتميت باأني احمل قلت لسا عروس خليني اتهنى وبعد 6 شهور من زواجي حسيت فيني شي لأنو دورتي مو منظمه واتقطعت عليا فجأه 4 شهور وقلت يمكن حامل ورحت سويت فحص وتحاليل هرمونات وكذا بس مافي حمل وهرموناتي تمام الحمدلله وقالتلي الدكتوره اسوي سونار وبعد السونار حسيت بخيبة أمل كبيره اتضح عندي تكيس بلمبيضين مع العلم انا ماعرفت المرض هذا الا معايا مامرت عليا وحده عندها هلمرض او انو وراثي مثل ماقالولي الدكاتره وقرات . المهم استخدمت 3 شهور كلوفاج 1000 ودم مسمتر معاها اكرمكم الله وقطع دم ماعرفت سببها إلى الان وقلت اغير دكتورتي وفعلا غيرت بمستشفى حكومي بمكه مستشفى النساء والولاده وصارلي تقريبآ 10 ايام من اخر موعد ليا والتكيس لساتو موجود وعلى المبيضين واعطتني حبوب مانعه للحمل جينيرا وانا قاعده استخدم معاها الكلوفاج لانها ماتأثر مع العلم وزني زاااااااااد مرررره بعد الزواج ومع التكيس وأسأل الله الكريم بهذي الليله المباركه ان يشفيني ويشفي جميع مرضى المسلمين وأن يبشرني بلحمل عاجلا غير أجل وأتمنى من أخواتي الي قرا قصتي وعندها خلفية عن الموضوع ده تعطيني ولو شي بسيط من وقتها وتقلي شي يطيب خاطري / / /ودي وإحترامي