يلا بنات تعوا ندردش شو ناوين تعملو تحضيرات وشو عملتو لرمضان
انا احابة حس براحة نفسية قبل رمضان ونضف البيت
مبارح غسلت كلشي وجوه كنت وبكرا رح نضف غرفة نومي والخزاين كلها والبراد لازمو تزبيطة مع تفريز وتقطيع الخضرة ورح اعصر ليمون وحطوا بقناني عشان يسهل استخدامو والتوم بقشرو وبدقو وبحطلو زبت وبفرزو بكياس صغيرة وناوية اعمل تنضيفة ماكنة للحمامات العفو منكن وكمان رح رتب علب بهارت وخزاين المطبخ يعني رح اعمل حوسة للبيت والي بقدر عليه طبعا والي مابقدرلو بلكي زوجي بساعدني
وعندي عزيمة اول يوم رمضان لاربع اشخاص بصراحة مو حابة ابدا كون اول يوم لحالنا انا وزوجي هاد اول رمضان مع بعض وبهيك ظروف وبالغربة حاستستو صعب كتير بس ان شاء الله رح التهي بختم القرآن والصلاة والصيام وتحضير الاكلات الطيبة والله يعين