[مبدعة التريكو]

طريقة عمل تنورة للاطفال ، خطوات عمل تنورة للاطفال ، تنورة للاطفال بالصور

طريقة عمل تنورة للاطفال ، خطوات عمل تنورة للاطفال ، تنورة للاطفال بالصور
طريقة عمل تنورة للاطفال ، خطوات عمل تنورة للاطفال ، تنورة للاطفال بالصور
طريقة عمل تنورة للاطفال ، خطوات عمل تنورة للاطفال ، تنورة للاطفال بالصور


تنورة تريكو للصغنونات مع الشرح








تبدئي علي 72غرزه ويكون عندك لونين يليقوا علي بعض اللون الاساس (س)واللون المكمل (م) وطبعا اللون الاساسي ايكون اكتر بكثير يعني اللون المكمل اتحتاجي منه كميه صغيره







العينه 16غرزه و22سطر =4في4 بوصه (البوصه2ونص سم)
عندك مقاسين للابر نم 8 ونم 6
طبعا اي مقاس يديكي مقاسات العينه حاينفع
حاتعملي الامام لوحده والضهر لوحده وتخيطيهم في بعض بعد الانتهاء




حاتبدئي علي 72غرزه باللون (س)
السطر 1- عدل
السطر 2- مقلوب
السطر 3-* (2عدل معا )3مرات- (لفه-1عدل)6مرات (2عدل معا)3مرات *وكرري مابين العلامتين 3مرات كمان
السطر 4- وصلي اللون (م)واشتغلي عدل
السطر 5 عدل
السطر 6- غيري تاني للون (س) واشتغلي مقلوب
السطر 7- في السطر ده حاتحطي علامات بعد كل تكرار للباترون كالاتي
*(2عدل معا)3مرات-(لفه-1عدل)6مرات-(2عد معا)3مرات *وحطي علامه كرري مابين العلامتين ** مره كمان وحطي علامه
وكمان مره كرري مابين العلامتين ** وحطي علامه (ممكن العلامه تكون خيط من لون مخالف) ثم اشتغلي اخر تكرار للباترون وخلاص كده السطر خلص

السر 8 غيري للون (م) واشتغلي عدل
ا لسطر 9- عدل
السطر 10-غيري تاني للون(س) واشتغلي مقلوب
السطر 11- 2عدل معا- اشتغلي عدل لغايه العلامه الاولي واشتغلي 2عدل معا ثم عدل الي العلامه الثانيه واشتغلي 2عدل معا ثم عدل الي العلامه الثالثه واشتغلي 2عدل معا ثم كملي عدل
السطر 12-مقلوب
السطر 13- عدل
السطر 14- مقلوب
كرري السطور من 11الي 14 -8مرات كمان وحايفضل معاكي 36غرزه
وتكوني وصلتي للوسط
غيري للابر الاصغر او ممن تستمري زي ماانتي بالابر اللي بتشتغلي بيها
واتغلي 8سطور بليسيه(1عدل -1مقلوب)واقفلي
اشتغلي الضهر مثل الامام تماما
خيطي الجنبين وعملي شريط كروشيه ودككيه في الوسط زي ماهو واضح في الصوره وخلاص
ومبروك علي بنوتك
الحته دي من عندي
يعني كماله ميزان هههه
ممكن تعملي مثلا 6سطور بليسيه وبعدين سطر لوعلي ضهر الشغل اعمليه عدل ولو علي وجه الشغل اعمليه مقلوب
وبعدين كملي بكمان 6سطور بليسيه
السطر اللي عملتيه حاتثني عليه للداخل وتخيطي ثنيه الكمر وتسيبي فيها حته مفتوحه من غير خياطه وتدككي فيها استك وتقفلي الفتحه
دي يعني لو حبيتي ان الجيبه تكون باستك





فيه غرزه تانيه تنفع جيبه وبتطلع زي الكسر
حاتبدئي علي عدد مضاعفات ال9 غرز
السطر 1- (8عدل-1مقلوب) وكري حتي نهايه السطر
السطر 2- 4عدل -1مقلوب ثم(8عدل-1مقلوب)حتي اخر 5غرز اشتغليهم (1مقلوب-4عدل)
وكرري السطرين
لغايه الطول المطلوب وبعدين اعملي الكمر
وحاتطلع بالشكل ده






اتمنى ان تعجب الاخوات الكريمات