السلام عليكم أخواتي بالله
الله يسعد حالكم ويفرح قلوبكم وينور دربكم ورمضان كريم عليكم وعلى أحباب قلبكم بترجاكم ماتبخلوا علي ولو بحل بسيط مشكلتي وآسفة لانها طويلة شوية وهي بصراحة عدة مشاكل مع بعض
أخواتي بالله أنا من تزوجت وتغيرت كليا" صرت ما اهتم بنفسي أبدا" وماأعرف شو أعمل لزوجي المهم بعد أول حمل لي صار عندي كلف بوجهي بسبب الحمل وبعد الولادة ماراح وكمان صارت رقبتي وتحت أبطي والعفو منكم بين الرجلين والمنطقة سواد كامل وماراح أبدا وزوجي صار يقرف مني وماعاد تقبلني متل أول وعندي كمان سواد بالاكواع والركب وكمان تشققات البطن والترهل بعد الولادة للآسف وحملت بعد ولادتي بشهر وهلق موعد ولادتي التانية ببنتي الله يجيبها بخير وسلامة يارب ومو عارفة شو أعمل لانه صارله فترة مايقرب مني أبدا" وإذا قرب فأنا أداعبه ويتم الايلاج من دون مايقرب علي أبدا ولو بلمسة حتى أخواتي بالله وربي شاهد علي حتى قبلة مافي بينا أبدا من أكتر من شهر شو أعمل مش عارفة :::: والمشكلة الكبيرة عندي رائحة بالمهبل قوية وزاعجتني كتير وماعندي لا التهابات ولا شي وكل مابقله بدي مطهر او شي بيقلي دبري راسك من الموجود بالبيت وبيطنش (( لأني وضعنا مابيسمحلنا بمصاريف زيادة )) شو أعمل لرجع حياتي وأخلي زوجي يقرب مني أنصحوني خواتي اليوم كان كلامه كتير جدي وهو عم يقلي بعد الولادة إذا ماغيرتي كلشي فيكي فرح أطلق :::: وماعندي حدا أسأله الوالدة كبيرة بالعمر وبخجل اسألها وماعندي حداااااااااااااااااا غير الله وأنتوا
ساعدوني أنا أختكم بالله بترجاكم ماتبخلوا علي