[نسمة المساء]

أنا كانت قيصري وما بفيدكم بتجربتي لكن تجربة صديقتي ممكن تفيد
هي ولدت طبيعي المهم كان عندها افرازات لها رائحة من بداية التاسع وما خبرت طبيبتها على أساس إنو في التاسع بتزيد الافرازات وما كان في لها لون وما كان عندها حكة لكن بكرر كان لها رائحة .. المهم جا يوم الولادة ولأن كان عندها التهابات تناسلية وهي ما هي دارية تمزعت المنطقة عندها تمزيع وكانت خياطتها جدا صعبة كل ما الدكتورة شدت الخيط يقوم يمزع الأنسجة ويطلع والبنج ما نفع معها برضو بسبب الاتهابات وجلست بالخياطة بعد الولادة أكتر من الولادة ولما خلصت الدكتورة أعطتها دش بهدلة وقالتلها الله ستر كمان لأن البيبي ممكن يلقط الجرثومة وهو طالع من عنق الرحم ويسبب له سحايا بالدماغ لكن ربك لطف وكل هاد بس لانها ما خبرتها بالافرازات ... وللمعلومة مع انها والدة طبيعي قالتلي جلست بالسرير أسبوعين مو قادرة تتحرك من الألم مكان الخياطة الله يهديها

سو نصيحة لا تتصرفي من راسك وتحكمي بأي شي إنو عادي ما فيها شي لو خبرتي دكتورتك بأي شي بتحسي فيه



تذكرت كمان صديقة تانية

ولادتها برضو طبيعي واستخدمتلها الدكتورة خيوط ما تذوب لوحدها وما قالتلها إنها ما بتدوب وعلى المراجعة ما سألت وضلت الخيوط أربعة أشهر وهي تتعذب منها مع الحركة وزوجها مش مصدقها وبالآخر راجعت دكتورة تانية وقالتلها الخيوط لسا موجودة وبتشد كل ما تحركت مشان هيك بتألمها وشالتلها إياهم وبعدها اختفى الوجع