سبحان الله العظيم وبحمده
السلام عليكم بنات....
اولا راح اعلمكم بالقصه كامله ..
ويمين الله شاهد على ما اكتبه.. انه غير منقول..
لانه فعلا صار معاي...
.. اولا بسم الله نبدا...
انا سبق وكنت اطرح مشكلاتي هنا .. وتلاقون كمان مواضيعي وش كانت عنه...
انا من شهر واحد الين شهر سته تقريبا كنت اصلح فحوصات وتحاليل..
وطبعا... كلوميد وابر وتنشيط.. وهكذا لين 6
والله تعبت نفسيا ويشهد الله العظيم تعبت تعب نفسي
الحبوب والابر..
المهم.. لين في شهر سته.. وقفت.. علاج..
وقررت اروح مكه...
وروحت مكه صليت فالحرم صلاة العشاء ودعيت ربي يرزقني بالولد من دوت اي مساعده طبيه من جون انابيب يارب العالمين
انا كل ما اتذكر موضوع الانابيب يجيني .. كذا احس بشعور غريب.. كاني ما ابغى اصلحه..
طبعا بعد ما رجعت من مكه.. قالت لي الدكتوره وشرايك تسوي اشعه صبغيه نتطمن عليك وعلى الانابيب وكذا..
انا متخوفه من كذا اشاعات وخرابيط...
لين.. تشجعت وروحت سويت اشعه صبغيه.. بعد ماخلصت الدوره الله يكرمكم...
وطلع فالاشعه.. انسداد سبحان الله الماده مفروض تطلع من اليمين واليسار
وفالاشعه استقرت بس بالرحم... وما مشت...
طبعا انا قطعو الامل عندي الدكاتره..
وقالو انتي ما يحصل معاك حمل الا بانابيب...
وقلت. انا خلاص ..وجلست افكر وافكر.. وقررت اروح لممرخه.
تخيلو اتصلت عليها ردت.. وقالت تعالي اذا جت الدوره
طبعا قالت اتصلي علي فالصباح نحدد موعد
قلت تمام... وفالصباح دقيت ومغلق جوالها حسيت اني والله العظيم ساعات احس اني ابي اروح لها
وساعات اقول بلاش منها .. بتوكل على ربي فهو يحي العظام وهي رميم...
طبعا.. جلست استغفر ربي وعقب كل صلاه. اقرا من القران ..
وادعو ربي ان يحدث لي الحمل بطبيعي. من دون انابيب..
اخر دوره لي كانت في 16/7 وجا 16 _8 وماجتني.. الدوره..
في اليوم 16
حسيت .. بنغزات اسفل البطن... والنوم طار من عيوني..
وحسيت حموضه...
فاليوم 19 كنت نائمه وصحيت.. حسيت ان الدوره نزلت...
ومغص شديد يا بنات... طبعا كالعاده اخذت مناديل وادوات صحيه للتغير...
وتفاجئت ان مافيه ولا نقطة دم....
في اليوم الرابع هو عقب صلاة الظهر الي هو امس... الثلاثاء
قررت اخذ جهاز تحليل برغم اني في قرارة نفسي كنت خلاص.. قاطعه كلامي اني بروح فبداية رمضان لممدوح اسكندر..
بس قلت اخذ احلل عشان اتطمن نفسيا.. حتى لو مافيه شي...
وقسما بالله يا بنات دخلت وحللت ...كان يظهر خط واحد بس...
فكل تحليل صرت متعوده...عالصدمه....
الين امس... حللت. وسبحان الله العظيم طالعه خطين واضحه وغامقه بالمررررره.. ظهر على طول اول عشر ثواني..
ومن الهبال شكيت... قلت الجهاز خربان.. ورجعت اشتريت ثاني...
وحللت وطلع نفسه خطين ...
وطلعت وانا اقول لزوجي انا حامل تصدق ههههههههههه هو قال كذابه...
قلت والله شوف الجهاز...
والله يابنات ما تتوقعون قد ايش فرحت الله يتمم لي على خير...
وكنت صايمه امس. ما حللت الا بعد صلات المغرب..
كنت ادعو ربي ان يبلغني بالبشاره الحلوه... وحللت .. ونزل زوجي اخذ التحاليل ..
وجا يقول مافيه حمل. قلت امانه.. هاتي الورقه اشوف...
يضحك علي لين ... قال الف الف الف مبروك حامل ونتيجه ايجابيه...
صدقوني يا بنات الي .. تكون قريبه من ربي.. وتدعوه والله ما يتركها...
فرحت بالمره وقلت اقولكم بفرحتي امس...
الي ما صدقتها ولا زلتةغير مصدقه...
الخلاص من كلامي لا تجعلون الاحباط يستولي عليكم عشان كلام الاطباء...
فانا خلاص قطعو الامل عندي. ولكني ما قطعته من ناحية الله.. عز وجل...
اللهم لك الحمد ولك الشكر ياربي ...ترزقني وتفرحني بضمته..
وتفرخ وترزق كل محرومه يارب.
تحيااتي لكم..