[ام اسكندر]

المشاركة الأصلية كتبت بواسطة أحلى رهف

موضوع رائع يعطيك العافية
بس عندي إستفسار ياريت حد يجاوبني عليه
فيه وحدة من الأخوات كاتبة إنه هي تدرس ومو موجودة في البيت فتستخدم شفاط الحليب
أنا بكرية وجاهلة سؤالي هل قصدها تشفط الحليب من صدرها وتحطه بالرضاعة وتخليه عند البيبي أي حد يعطيه و مايخرب كذا حتى لو طول ..آسفة يمكن البعض يشوفه سؤال غبي أو جريء أو حتى تضحكون علي بس والله من جهلي وماعندي حد غيركم أسأله خاصة إن عندي دوام وحبيت أعرف إذا هالطريقة صحيحة أو لا

هلا حبيبتي
ليش تقولي كذا ع نفسك
ترى كلنا نسأل عن ابسط الامور بالنت
ومنتدانا منكم واليكم ويساعدك بكل فصفوة عن حملك وطفلك

بالنسبة لحفظ الحليب الطبيعي
فهو يخرب سريعا لو جلس بالغرفة لمدة ساعة اذا الجو حار وساعتين لو الجو بارد والمكيف شغال
اما لو في الثلاجة يمكن يجلس 12 ساعة
اما لو في الفريزر ممكن تخزنيه 3 شهور
بس لما تحفظي في الفريزر قسمي كمية كل رضعة في كيس او عبوة لوحده عشان تخرجيها وقت تحتاجيها .. يعني ماتخزني كمية كبيرة بعبوة واحدة لانك لو خرجتيها من الفريزر وذابت ماتقدري ترجعي الباقي

هنا موضوع يمكن يفيدك
http://forum.hwaml.com/t33103.html

بالنسبة لي انا لما كنت اخرج واحط ابني عند زوجي كنت اشفط كمية رضاعة واحطه بالثلاجة
وزوجي وقت يبكي النونو كان يخرجه ويدفيه ع النار بحرارة معقولة ويعطيه للبيبي

وعلى فكرة مايحتاج شفاط تقدري تعصري بيدك بمجرد تضغطي ع الثدي حينقط الحليب ويخرج
بس الشفاط حلو للايام الاولى بعد الولادة لان البيبي ينااااااااااام ومايرضع الا كمية بسيطة جدا فيتجمع الحليب بالثدي ويورم وماتقدري تعصريه بيدك من الالم لذلك استخدمت الشفاط اول اسبوعين وبعدين ما احتجته

وكل واحدة حالتها تختلف
في اللي الثدي يمتلئ بسرعة ويورم ويؤلمها
وفي اللي مايتجمع حليب كثير
وفي اللي ابنها نااااااااااااايم مايحى يرضع الا مرات معدودة
وفي اللي ابنها مايسكت الا لو الحلمة بفمه ويمص الحليب اول باول

يعني سيبي حكاية الشفاط لبعد الولادة قد تحتاجيه وقد ماتحتاجيه
انا اشتريته رابع يوم بعد الولادة طلبت زوجي يجيبه من الصيدلية لان صدري ماشالله ورم وابني نااااااااايم 24ساعة

وربي ييسر امورك