السلام عليكم
سيلا عازرينك كلنا الحال اضرب من بعدو الله يقومك بالسلامة وبعتلك مسج لان بالي انشغل كتير عليكي قلت لتكوني ولدتي لسا مانزل شهرك ربي يهونهت عليكي
بنات ادعوا لسوريا ادعوا دعاء من القلب
وبترجاكون ادعوا لاهلي بخان شيخون الوضع سيئ سيئ جدا
نزح اكتر من ثلاثمئة الف من اهاليها وطبعا كل قرايبيني واهلي نزحوا شي عحلب وشي عالشام وشي عالضيع الي جنبها
ومية شهيد خلال خمسة ايام وخمسميةمعتقل بين شاب ومسن وطفل واكتر من خمسين مفقود
وحالات اعدامات ميدانية وحرق منازل بالكامل ونهب بيوت شي مو طبيعي جابوا شي مية سيارة شاحنة وحملو كلشي الو قيمة عنا نهبوا المحلات التجارية مافي مي او كهربا اوخبز او نوع من اشكال الحياة
وهلق خايفين من دخول الشبيحة على المدينة ولسا في نسوان كتير واطفاال متخوفين هلق من الاغتصاب وعمال الاجرام والدبح
هاي حال خان شيخون والي مابيعرفها هي مدينة من ريف ادلب عاتستراد حلب الشام عدد سكانها مايزيد عن الف
هاي مدينتي الحلوة حبيت تشاركوني همي ولو اني بعرف انو مو ناقصكون هموم
بس بعرف كتير منكون ماعارف شو يصير فيها ولعل دعاء من حامل فيكون يكون في اجابة
اسفة للازعاج وأملي الوحيد الدعاء من القلب
خان شيخون بابا عمرو ودوما اخرى