السلام عليكم و رحمة الله و بركاته
كيفكن كلكن يا أخواتي العزيزات الله يرزقكن كلكن الذرية الصالحة وما يجي رمضان إلا وكلنا حوامل أمين يا رب ....
ما بعرف اذا بيصير معكن أنتو كمان متلي كل تفكيري متركز على الحمل و كل أفكاري عن الحمل وكل ما أفتح النت بفتح على مواضيع الحمل لحتى وصلت لمرحلة ما بعرف اذا اكتئاب بس مو مشتهية أعمل شي أنشطة بالبيت أو شغلات حلوة و رومانسية صرلي 9 شهور متزوجة وحاسة حالي صرلي 9 سنين وحاسة انو هالهم وانتظار الحمل و التفكير كتير صعب ونظرة الناس أنو ليش لهلأ ما حملتي و أسئلتن
وكل شوي بيخطرلي خاطرة جديدة حسبي الله و نعم الوكيل بس لما تكون علاقتي بربي كويسة و متينة بحس أنو صرت أحسن ولما أسمح لحالي بالتفكير أكيد الشيطان بيوسوسلي مية شغلة
أخواتي من بيصير معها متلي والله تعبت من هالحالة حابة أرتاح
يا رب ما ألنا غيرك لا تخيبنا