لك انتي تحتاجين
ملابس واسعه ومريحه بيجامات وملابس بيت وارواب خفيفه وستيانات للرضاعه مريحه ويمكن ماترضعين طبيعي لاسمح الله بس انا شريتها والحين استخدمها لان مارضعت بس مقاسي تغير ومحتاجه شي مريح
غطا ساتر للرضاعه وكريم مرطب للصدر وشفاط الحليب يدوي او كهربائي وفوط للصدر انا طبعا شريت ومارضعت طبيعي بس استخدمت الستيانات والشفاط فشوفي انتي اللي يريحك . تحتاجين ملابس داخليه قطنيه او استخدام واحد وتحتاجين فوط صحيه وكريم تشقق البطن ومنع الترهل. شبشب مريح للبيت. انتي شوفي وش تحتاجين من هالشغلات واشتريه لان يختلف من وحده لوحده
اغراض البيبي
سخان الحليب . جهاز سماع صوت بكاء الطفل. مجموعة الاستحمام صابونه شاورجل شامبو شعر ليفة بانيو او كرسي استحمام . كريم الحفاض سودو كريم او نوع من جونسون او سيباميد . بيبي اويل. لوشن للجسم. شفاط الانف. مقص اظافر. مشط . اعواد قطن وشاش لتنظيف لسان البيبي بعد الرضاعه. مسحات كحول طبيه. بودرة لسرة البيبي. حليب اشتريه بعد الولاده وان شاء الله ترضعين طبيعي وماتحتاجيه انا استخدم رونالاك . حفايض اصغر مقاس واحسن شي بالنسبه لي بامبرز عناية مميزه . رضاعات انا استخدم giggle زجاج حجم صغير ومتوسط ورضاعه صغيره للمويه وسائل تنظيف الرضاعات وفرشاة تنظيف الرضاعات والحلمات وستاند تجفيف الرضاعات وحافظه او علبه او سلة للرضاعات النظيفه وسلة او صندوق لاغراض الاستحمام
مجموعة الاستحمام والنظافه خذيت سيباميد لانه الافضل طبيا بس جونسون ريحته احلى وتبقى في الطفل
ميزان حراره
اكياس للحفاضات المتسخه
انتي شوفي خيتو وش يناسبك من الشغلات هذي واشتريه
ربي يسهل عليك ويرزقك الولاده السهله والطفل السليم المعافى يارب