اهلين حبيبتي والله يجزاكي الخير على اخلاصك لزوجك ولبيتك وجهادك لحتى تحبي زوجك الله يفتح قلبك لحب وعشق زوجك ويحنن قلبك عليه ويهدّي بالك ويشرح صدرك آآآمييين يارب شوفي حبيبتي انا متزوجة والحمدلله من سنة وانشاءالله العمر كلو انا اول ماتزوجت ماكنت حب زوجي نهائيا بس كنت اعرف انو صفاته الحمدلله منيحة بس ماكان الشخص يللي كنت احلم فيه بس اهلي كانوا طايرين فيه ولما قلت لاهلي وخاصة لماما اني مابحبو وكان تاني يوم من زواجنا وقلتلن بدي اطلق ومستحل اتراجع عن قراري قالولي شو شفتي منه شي مو منيح قلتلن بالعكس هو شخص كتير حنون وبيعشقني وصاحب اخلاق ودين بس مو هو الشخص يللي كنت احلم فيه طبعا اتزوجنا من دون خطبة وخلال اسبوع بس لان اجازتو كان باقيلها ٢٠ يوم بتخلص هو مهندس بامريكا وكمان كانت الاوضاع بسوريا وخاصة في بلدنا كتير خطيرة المهم صار الزواج وبعد ماقلت لاهلي كتير انقهروا واخواتي عصبوا علي وكان زوجي معي بس كان بغير غرفة وصارت ماما الله يخليلي اياها تبكي وتقلي قديش كنت مبسوطة وعم احمد الله انك تزوجتي شخص ديّن وخلوق ومنقدرنأمن عليكي معاه ونحنا مرتاحين وصاروا كل اهلي يقولولي الله رضيان عليكي لان صرتي من نصيب هيك شخص وانا كل كلامن كان يقهرني بزيادي وحس واتوتر بس كنت مصرة على الطلاق وكنت عم فكر باهلي من جهة وبزوجي من جهة واخر شي اخي يللي اكبر مني باربع سنين عصب علي وكان بدو يضربني انا وقتها خفت وصرت ابكي وقلتلها لامي ادعيلي حب زوجي لان مستحيل اقدر عيش مع شخص مابحبو قد ماكان منيح وصارت امي تبكي وتدعيلي وبابا وخواتي الله يحميهن كلن ويخليهن يارب بعدها ماما ضمتني ورقتني بسور من القرآن وادعية من القرآن والسنة والحمدلله بنفس الساعة حسيت بالفرج وانشرح صدري ورحت على الغرفة يللي كان زوجي واخواني فيها وانا عم اضحك ومبسوطة كتيير حتى زوجي لما شافني هيك صار يحكي ويمزح ويضحك طبعا هو كان حاسس في شي وكان طول الوقت متوتر ومزعوج حتى بعد مارجعنا على بيتنا ونحنا بالطريق صار يقلي قديش تغيرتي بعد مارحنا لعند اهلك وانا اتحججلوا بحجج مو صحيحة وبعدها كل يوم عم حبو اكتر وصايرة الحمدلله عم اعشقه ودائما بقول لماما ادعيلي حب زوجي وبخليها دائما ترقيني وتدعيلي وانا طبعا عم ادعي لله يديم المحبة بيناتنا ويحنن قلوبنا على بعض ولهلأ بندم مشان هداك اليوم وبحمدالله على محبتنا لبعض وانا على فكرة بحب المسلسلات التركية كتير والافلام الاجنبية وكتير بكون فيهن رومنسية ولما بصير شي بيعجبني ورومانسي بطبقو مع زوجي والحمدلله كتير زوجي رومانسي معي ولما بعمل شي رومنسي كتير بحبو زوجي وبيفرح فيه وهو عم يعملي نفس الشي بقى حبيبتي شوفي شو الشغلات الحلوة يللي بتشوفيها بزوجك وعملي معاه الاشياء الرومنسية يللي انتي بتحبيها بصير هو بعدين يعملك اياها ومافي انسان كامل بس تكون الحسنات اكتر من السيئات ولامانع انك تشوفي مسلسلات تركية رومنسية والشي يللي تتمنيه يكون معك اعمليه مع زوجك ودائما انتي بادري معاه بالحب والرومانسية مشان تشبعي عاطفتك حتى لو غصب عنك بس بعدها رح تصيري تتصرفي هيك من قلبك انشاالله وشكي همك لامك واهلك وخلي امك تدعيلك ورقي حالك بالقرآن وادعية السنة وانشالله رح تحبي زوجك من قلبك وتستمتعي بحياتك معاه ويبقى طمنينا عنك حبيبتي الله يفتح قلبي وقلبك لحب ازواجنا ويجعل بيننا مودة ورحمة وكل ازواج المسلمين وآسفة ياحلو عالاطالة