[ليلى الجهني]

السلام عليكم ورحمه الله وبركااته
بنااات نصيحه لوجه الله انا كنت اراجع في المواساه اول حملي عند دكتوره هند وبعدين حسيت بالم في جنبي وماكنت اعرف انو من الحمل عادي يعني لانو اول حمل ليا ورحت اراجع وقالتلي يمكن يكون عندك زايده روحي لدكتور ابراهيم استشاري
المهم رحت عندو وكشفت وسويت تحليل وتصوير وقالي مو باين لانك لسه في اول الشهور لازم تتنومي ونسويلك عمليه
احتمال كبير تكون زايده وتخسري الجنين وتنومت عندهم والله يابنااات 3 اياام وانا ما اكلت شي والممرضات قمه في الاهمال يحطو المحلول بس شويه وبعدين يشيلو وكل شويه يجي دكتور شكل يكشف عليا وجلست على هدا الحال الين مازوجي طفش حتى الدكتور اللي نومني ابراهيم ماصار يجي يشوف حالتي ونزل اضارب مع المدير وقلهم انا ابغا اخرجها على مسوليتنا بس اعطوني التحاليل والاشعه مارضيو قالو المدير تبغاها تخرج مافي لا اشعه ولا تصوير يطلع من المستشفى وخرجنا من غير اي نتيجه ورحت مستشفى الولاده الدكاتره هناك قالو مستحيل معاك زايده مافيك شي شويه التهابات بس والحمد الله اعطوني ادويه وخفيت عليها
ومن بعدها وانا جاتني عقده من المستشفى نصااااابين ودحين اراجع في الوطني احسها افضل بكتييير من المواساه
ومعليش على الاطاله بس نصيحه لوجه الله لاحد يراتجع عندهم بعد المعاناه اللي عانيتها معاهم