[أم دجانة]

قياسات الحوض بتحددها الدكتورة من الفحص النسائي بالشهر الأخير وأما الدوائر يلي بيعملوها بالإيكو فهي لمقاسات البيبي لتحديد عمره وإزا كان في تشوهات خلقية أو مافي تشوهات

بالنسبة للقيصرية متل ما قالوا البنات أنا بالبكرية كنت قيصرية لأنه البيبي كان مقعدي مستعرض (وضع وسط بين المقعدي والمستعرض) والدكاترة ما انتظروني لاخلص شهري مشان يقبضوا أكبر قدر من المصاري بأقل فترة ممكنه من أول أسبوع بالتاسع ولدت قيصري ولما حملت المرة التانية كل الدكاترة يلي استشرتن قالولي أنه ليش ما انتظروك .. المهم ولادتي التانية كانت طبيعية والرحم وصل لل8,5 بس للأسف من تداعيات العملية الأولى صار عندي نزيف شديد ورحت عالقيصرية اسعافي لأنه فقدت أكتر من لترين دم ومن بعدها قررولي أنه كل عملياتي قيصرية والحمد لله على كل حال

رجائي الحار من كل البكريات يلي يطلبولهم قيصرية روحي عند أكتر من دكتورة قبل ما تقرري ولا توثقي بكلام واحدة ولما الكل يأكد أنه ضرورية القيصرية خليها تكون آخر خياراتك ولا تستعجلي عليها
الله يرزقكم بالولادات الطبيعية ويبعد عنا وعنكم الدكاترة يلي ما بيشوفوا شي غير المصاري اللهم آمين