[سحآبة فجر]

نكمل ..



وفي يوم وانا ادور كالعاده في قوقل دخلت منتدانا الغالي ولقيت وحده من البنات كاتبه مشكلتها نفس مشكلتي بس هي باقي غشاء البكاره فرحت ويوم شفت ردود بعض البنات بصراحه عليها تحطمت اللي تقول كيف زوجك صابر وسيبي الدلع وزوجك بيتزوج عليك وحرام عليك حارمه زوجك ومن الكلام اللي يحبط ما يداوي ..
بعدها جت بنت ثانيه وكتبت موضوع نفس المشكله ونفس الردود اللي تحطم وتزيدك هم وتحسي انك لحالك كذا وبعدين البنت كتبت انها راحت المستشفى وطلع هذا اسمه تشنج مهبلي لا ارادي فرحت والله فرح كبير انه طلع له سبب وله اسم مو دلع على قولتهم صرت ادور في النت عن هذا الشيء واقرا تجارب الين ربي دلني على تجمع بنات عندهم التشنج ومنهم تعالجوا منه .. ناس راحوا عملوا الجلسات مع دكتوره ومنهم اللي ماشاء الله تغلبت وصارت تسوي التمارين بنفسها في البيت وربي اكرمهم وتيسر امرهم .. تشجعت بفضل الله ثم بفضل كلامهم وصرت معهم وشجعوني والله كثيييير يااااااارب يكرمهم اجمعين ..
وقلت لزوجي وقرأ الموضوع وتجارب البنات وفرح كثيييير انه عرف ايش فيني .. والحمدلله اولا واخيرا
بعدها كلمت مركز سمير عباس واخذت موعد عند الدكتوره اماني شلتوت ربي يسعدها ويفرح قلبها << على فكره يابنات هي الدكتوره الوحيده في جده اللي تعالج هذا المرض .
ولما كشفت علي اول مره ما لمستني بس من بعيد كانت تقول لي سوي كأنك بتتبرزي الله يكرمكم وشافت ولانها عارفه خوفنا ما تقرب وهي خبررره في العلاج تبارك الرحمن ومره تريح لانه يابنات اللي عندها التشنج يكون فيها خوف مو طبيعي وفيه بنات يطلع مو تشنج مهبلي بس عندها خوف من التجربه وهي تعرف اذا هو او لا وبعدين قالت لزوجي انه فيني تشنج وقالت له حتى لو قلنا لها رخي حالك وحاولي ماراح يصير سبحان الله العضله تقفل بقوه وصرفت لي حبوب مهدئه استخدمها طوال فترة العلاج .
تعالجت الحمدلله في اسبوع ونصف وفيه ناس في اسبوع وناس اسبوعين والحمدلله .. الحمدلله .. الحمدلله له الفضل سبحانه ..
الآن انا خلصت من التمرين على الموسوعات لله الحمد وببداية الجماع صحيح في البدايه ( الجماع ) تواجهي صعوبه بس ربك يسهلها سبحانه اهم شيء حاولي تفكري وترجعي بذاكرتك وتخمني ايش ممكن يكون سبب الخوف والتشنج هذا .. انا ( الولاده ) تخيلوا بس اسمع بقصة ولادة أي وحده ابكي وابكي وابكي وكنت اخاف من الولاده بشكل ماتتصوروه فقلت اكيد هذا السبب في عقلي الباطن بس الحمدلله الفكره راحت وبالعكس نفسي احمل الحين ^_^

بنات جده في الدكتوره اماني شلتوت اللي عالجتني موجوده في مركز الدكتور سمير عباس وهذا رقمهم 6530000
وبنات الرياض عندكم الدكتوره إيمان فوزي في الرياض في مركز الدكتور سمير عباس تعالج التشنج المهبلي وهذا رقمهم 4160000
وسمعت انه برضوا فيه الدكتوره طرفه بالرياض بس مااعرف رقمها ..

• بنات انا احمدالله ان زوجي وقف معي ومع كذا مريت بايام مايعلم فيها الا الله سبحانه ولله الحمد والمنه اولا واخيرا ، الاستغفار والصلاة في وقتها وصلاة الشفع والوتر والضحى والصدقه لهم فائده كبيييييييييره من الله سبحانه .
• حاسه في اللي تعاني من هذا الشيء واعرف كيف تنتكس وتصير الوحده في حاله نفسيه مو طبيعيه بس بنات لا تيأسوا ولا توقفي ولا تخلي شيء يوقفك وتفائلوا واحسنوا الظن بالله وادعوه بصدق وبتضرع والحوا في الدعاء .
• كثيييير ازواج كانوا يعنفون ويخلونها تنهار ولكن لا تيأسي المرض مو معروف وهو ممكن يكون يسمع كلاااااام من اللي حواليه ومقهور على نفسه ليش مايقدر فالتمسي له العذر ..
• التمارين بسيطه وخفيفه ومافيها أي الم وراح تتفاجئين من سهولتها بأذن الله ..
• بنات كثير قولي الحمدلله كثير اسجدي لله سجود الشكر انك عرفتي ايش فيك وانك لسى على ذمة زوجك وخلي ذكرك لله على طوول على لسانك

ادري طولت عليكم بس والله حاولت اختصر كثير والا فيه اشيااااااااء كثيره ماحكيتها نفسي اكتب كل شيء عن معاناتي وعلاجي علشان الكل يعرف ايش اعراضه وايش احساس اللي تعاني منه ..
سامحوني وادعوا لي يابنات ربي يرزقني بالحمل في هذا الشهر وافرح زوجي واهلي اللي مو عارفين ايش فيني ادعوا لي ربي يسعدكم ويحقق امانيكم .. ادعولي لعل فيكم وحده دعائها مستجاب او توافق ساعة استجابه .. طلبتكم ادعوا لي

ويارب لك الحمد حتى ترضى ولك الحمد اذا رضيت ولك الحمد بعد الرضا ..