ياقلبي انا كنت طبعا 102 ووصلت الحمدلله 77 وكنت ناوية اكمل بس ربي رزقني بالحمل ووقفت والحين مع الحمل زاد....
بس اكيد بتعرفين كيف نزلت هذا الوزن اولا اشتريت دراجة ثابته وهي ارخص من السير
وكنت امشي برا لمدة ساعة ثلاث مرات بالاسبوع
ومنتظمة على نظام غذائي وكل ما امل او احس وزني معد ينزل اغير لنظام ثاني
ابتعدي عن الحلا والدسم والنشويات وكلي منها مرة كل اسبوعين بكمية معتدلة
اذا جعتي كلي سلطة لو اكبر صحن عندك عادي ومليها ليمون انا كنت اتلذذ فيها واشرب كاس لبن كبيييير معاها .....خلاص احس الجوع راح
ايه بعد نسيت اقلك ..كل يوم كنت اشرب منقوع الليمون والكمون ..تقطعين شرايح ليمون يعني ثلاث شرايح وتحطين ملعقة كمون حبوب وتحطين عليها موية حارة بكوب كبير وتغطينها لين الصبح واول ماتصحين تشربينها ومع الاستمرار بتشوفين النتيجة ...
عصير الاناناس والكيوي ممتاز لحرق الدهون ..احلى شي سيزر لانه بدون سكر
كلي فواكه ..لحم اودجاج همبرجر حطيه بالفرن بدون زيت..صدر دجاج مشوي تبليه ببهارات وزيت زيتون وليمون وبالعافية ..
طبعا خبزك اسمر ..والمشروبات كنت اشربها بسكر كاندريل حق مرضى السكر وهو مايضر ولا شي زي مايقولون الحمدلله ماصار لي شي ...
طولت عليك بس ياقلبي مافي شي يجي بالساهل وانا حبيت افيدك بكل شي جربته ..استعيني بالله وابدأي بجد وعلى قول وحده من الاخوات لوبعد رمضان افضل لاني اخاف ترجعين برمضان ..ولو حابه قبل وعندك ارادة قوية عشان بالعيد انا شاء الله تطلعين طلعة عروسة
نصيحة لاتخلين السمنه تلعب فيك وتطير زوجك لا سمح الله ..انا ان شاء الله بعد مااولد بالسلامة راح ارجع على نظامي الاول لين اوصل للوزن المثالي بإذن الله ..
الله ينحفك بالعافية يارب ..
ادعي لي ربي يتمم حملي ويرزقني بطفل سليم معافى ويجعله من الصالحين ..لانه اول حمل لي بعد سبع سنوات زواج
يارب اكون افدتك