[هموسة]

المحافظة علي بطارية الايفون 2012 ، طريقة المحافظة علي بطارية الايفون2013 ، اي فون 2013


المحافظة علي بطارية الايفون 2012 ، طريقة المحافظة علي بطارية الايفون2013 ، اي فون 2013



المحافظة علي بطارية الايفون 2012 ، طريقة المحافظة علي بطارية الايفون2013 ، اي فون 2013



المحافظة علي بطارية الايفون 2012 ، طريقة المحافظة علي بطارية الايفون2013 ، اي فون 2013



َ




بسم الله الرحمن الرحيم,




المقدمة,"


كم مره تمنيت ان البطارية تقعد اطول ؟..



انتهى .. ( فيه اقصر ؟ )

الشرح,"


هذي من أهم الخطوات اللي لقيتها او شفتها أو اكتشفتها (منتب سهل يا كولومبوس) اللي من
شأنها انها تقلل من استهلاك البطاريه .. وتخلي الجهاز يقعد اطول فتره ممكنة معك .. ان شاء الله


,
,


(1)
قلل السطوع,


نظام كبس ملعب .. موب شاشه .. ماينفع.
يستهلك بطاريه بشكل !! ..

نصيحه تعود عليه خافت ازين لك .. وازين لي..







(2)
سكر البحث عن الواير لس .. (لا تنساه شغال)



ترا اذا كان مشغل حتى لو مو مشبوك بشبكه ..
يسوي قلق للبطارية ..


اتوقع مكانه معروف مايحتاج ..






(3)
طف الجيل الثالث




هذا تروح له من ..
Settings > General > Network

يعني غالباً استخدمه عشان النت .. اذا ابي اتصفح بسرعه او او او ..
غير كيذا سكرههههه .. خاصتن اذا تبيه يطول معك الجهاز بدون شحن ..





(4)
حدث جوالك على آخر اصدار (الا اذا كنت مجلبرك)

لأن غالباً التحديثات تحل مشاكل بالبطاريه وكذا ..





(5)
حط الـNotifiction على Off ..


=




مالها داعي اذا كنت خايف على بطاريتك ولا عندك شاحن .. !
أو حتى لما تجرب تطفيها !! وماتحس بفرق يأثر عليك !!

تبلع من البطاريه هالأشياء ..

غالباً هذي للأصوات والتنبيهات اللي تطلع لك وبعض الخصائص للبرامج ..






(6)
طف البلوتوث (ماظن احد يبي يفتحه هههههه)



تروح له من ..
Settings > General > Bluetooth

ادري انك ترسل صور واغاني كثير لجوالات ثانيه بس معليش استحمل << يبي يقهر..






(7)
طف خدمة تحديد المكان التلقائي
"Location Services "



هذي تروح لها من ..
Settings > General > Location Services > Off


كل مافتحت برنامج يقعد يحدد موقعك وجي بي اس ودلع وكلام فاضي وشغل نص كم ..
وبطاريه تروح على الفاضي .. ماله داعي.




(8)
طف خدمه قفط الإيميلات الجايه لبريدك
"Push Email "



هذي تروح لها من ..
Settings -> Mail, Contacts, Calendars -> Fetch New Data

اذا شابك ايميلك ,, وشوله يشبك من نفسه ويشيك ويرسل لك ,, كل مادخلت انت .. سو تحديث
وخلصنا .. وشوله صرف .. وبذخ ومال وجاه على الفاضي





(9)
طف الـ Equalizer .. في الموسيقى.




هذي تروح لها من ..
Settings -> iPod -> EQ


مالها داعي .. مادري وش بس شي بايخ ,,
اظن معادل الصوت .. يعدل بالصوت الطبيعي حق الأغنيه .. يضخم .. او يخفف او صدى ..

وعلى كلام أبل انه يسوي زحمه بالبطاريه اذا مشغل اغنيه.






(10)
حط القفل الآلي لـ دقيقه.




هذي تروح لها من ..
Settings > General > Auto-Lock > 1 minute

احسن عشان مايمديك ترمش الا والجوال مقفل ومروق..





(11)
طف اللي يهز ..




هذي تروح لها من ..
Settings > Sounds > Vibrate to off


وشووووووووووووووووووووووله ؟؟ << ياليل
لا يعني بطاريتك خلقه ضعيفه .. هز وقله حيا ليه ؟
واذا تقدر دايم .. يكون ازين ..







(12)
شغل السطوع الآلي .. الآوتوماتيكي .. الـ من نفسه ..




هذا تروح له من ..
Settings > Brightness and set Auto-Brightness to On


عشان ما تجي بغرفه ظلام .. ويجي يكبس بوجهك ويضيع ام البطاريه عليك .. وانت ماتحتاج.






(13)
سو "دورة حياة" للبطاريه على الأقل مره في الشهر,




كيف؟.. حسيت انه من الزواحف موب آي فون ..<<طيب

يعني اشحنه أفل شي .. فل, واستخدمه لين يفضى ويطفى عليك .. !
هذي قريتها بكم موقع وكلهم ينصحون فيها ..

يعني زي لما تنظف خزان بيتكم << لا تشبه تكفى.






(14)
لا تخلي الجهاز في مكان حار ( الفرن, القز او جوا منقطه الرياض)

.
.

كثير يمدحونها. لاتحطه قبال الشمس سيدا, او بمكان حار او مكتوم..
يؤثر على البطاريه ..







(15)
افضل نصيحه تقدمونها غير المكتوبات .. بتوضع هنا ..

.
.




النهاية,"

كما تعلمون احبتي , ترا موب لازم كل هذا تستخدمونه ولا بطاريتكم بتصير خايسه .. استخدموا
اكثر شي تقدرون عليه .. أو في حاله شحنته وتدري انك ماراح يكون عندك شاحن لفترة طويله .. او
شي من هذا القبيل .. كل ما اتسخدمت اكثر .. كا ما كان افضل لأنه احسن عشان اخشن ..