السلام عليكم بنات
كيفكم كلكم.. يارب تكونو بخير انتو واولادكم الحلوين
شكرا لكل الي سألو عني ودعولي ..ربي يسعدكم ويفرح قلوبكم
وأهلا بكل البنات الجدد .. الله يزقكم الذرية الصالحه الي تقر اعينكم يارب
ما تتخيلو ايش صار فيا من قوة التوتر ............ اتهيج عندي القولون ورحت للدكتور ليلة الاختبار ومن قوة الالم شك انه الزايده وعملولي التراساوند للبطن كامل و تحاليل ايمرجنسي وخلوني في المستشفى 5 ساعات وبعدين قالي الدكتور الظاهر انه قولون بس احتياط خدي تحويل مفتوح واي وقت لا قدر الله زاد عليكي الالم روحي اي مستشفى تحبيها وخليهم يهتمو في الموضوع
وقالي مافي جامعه بكره احتياط واعطاني تقرير !!
تخيلو دا كله من التوتر!! وما رحت اول اختبار وكان الاربعاء قبل الماضي وزوجي اعطاني دششششش طويل عن التوتر وقالي ايش يعني لو رسبتي مو اخر الدنيا وعادي ولا تضري نفسك وبعدها هديت شويه واختبرت باقي اختباراتي السبت والاحد والاثنين والحمد لله طلعت نتيجه وحده فيهم b باقي 2 والاختبار الي ما رحته اجلولي هو لبعد العيد ان شاء الله بس انا خايفه وقتها اكون ولادة :(
كل ترم امر بدي الحاله بس بدل القولون يكون الم معدتي واخد مهدئاتي المره دي قولون وما اقدر اخد ولا دوا ..الحمد لله على كل حال
وجدا مبسوطة انه بدأت الاجازه وراح اسجل ابراهيم من بكره بإذن الله في نادي تايكوندو عشان تسلى شويه ويفرغ طاقه بدل الطفش
وبدي اجلس اسوي تزبيطات في بيتي عشان ابغى اولد فيه اذا ربي اراد ما ابا اروح اعند اهلي لان ابراهيم حيكون سنه اولى وسجلته في مدرسه جنب بيتي و بيت اهلي مره بعيد عن المدرسه ... قولتكم اقدر اجازف دي المجازفة واولد في بيتي ؟؟
ولا اهجول زوجي وولدي واروح عند ماما احسن ؟
وبعدين متى ابدأ اشتري للبيبي فـ رأيكم ؟؟