تركيا جميلة وماتشبعين منها ... بس مب في العاصمة استطنبول ... العاصمة تكفي لمدة 3 ايام فقط والاماكن معروفة ومحددة ( المتاحف العثمانية ، جزيرة الاميرات ، مضيق البسفور، بحر مرمرة) وبالنسبة للتسوق هناك الكثير من الاسواق والمولات (جواهر مول واسواق قديمة)
افضل اترتبينها عن طريق مكتب سياحي لان اللغة صعبة وايد معاهم ومايتكلمون لاعربي ولا انجليزي ... ولانج اول مرة اتروحين بتتلعوزين معاهم ..
ادخلي على النت واكتبي السياحة في تركيا وبتحصلين شركات عربية في تركيا اترتبلج السفرة كاملة وتدفعين لهم عن طريق الصرافة ..
هذه كانت طريقتي ونجحت وكانت ارخص لي ويمكن تحتاجين 20 الف درهم للسفرة والتسوق لانج لازم بتسيرين انطاليا او البورصة ..