[بنت نايس]

حابه اكتب قصتي كامله مدري ليش


انا متزوجه من 5 سنين واول سنه كانت عادي الوحده ماتدور على الحمل وبعد السنه زرنا دكتوره وقالت سوو تحاليل هرمون الحليب ومن زوجي تحاليل السائل المنوي المهم انا طلع عندي تكيسات على المبايض وارتفاع بهرمون الحليب وزوجي طلع العدد عندو 10 مليون فقط وبدئت رحلت العلاج انا الحمد لله تعافيت وصارت اموري تمام وزوجي رحنا عند دتور في سوريا ادا دوا وصار 25 مليون وقالو النسبة طيبه ورجعنا جده لاني عايشه في جده وقالو لازم تتابعوا مع دكتور ايش ادعي عليه حسبي الله ونعم الوكيل في بس

ادا زوجي ابر عشان تحسن من وضعو لمده سنه نص وبعدها سوينا التحليل والصدمة

0000000 مافي ولا واحد حتى وفضلنا على دا الحال سنتين وزوجي العددد صفر انا طبعا خلاص تعبت مره لاني روحي في الاطفال اموت فيهم ولما كنت باراجع مع دكتوره طلبت مني اشعه الصبغه ليا انا ولما سويتها طبعا شفت الويل فيها

والصدمه الثانيه رحمي ذو قرنين والدكتور سدتها في وجهي وقالتلي لازم عمليه ويمكن تحملي ويمكن لا والاغلب لاء انا طبعا انهرت وهاتك يابكا بكا لين قلت بس سبنا العلاج وسبنا انا وزوجي كل شي لمده سنه وقبل 7شهور جارتي دلتني على دكتور مصري شاطر مرا هنا في جده وقلت لزوجي قلي يلا رحنا


شرحنا وضعنا من الى وقالي انتي مين قلك انك ماتحملي حتى لو ذو قرنين تحملي ياما نساء كثيرين حملو وكل شي سهل لاكن انتي معرضه للاسقاط اكتر من الباقي ولكن عشان نتفادى الاسقاط لما تحملي حنعملك عمليه ربط لعنق الرحم وبس والله ماتتخيلو قد ايش اداني امل بس قلي انتي ماراح ابدى ماعاكي لانو زوجك المهم دحين مشاء الله عليه دكتور والله شاطر قلو زوجي كدا وضعي وراه التحاليل كلها وكتبلو على ادويه وقلو خدها لمده 3 شهور وتعلي النسبه كانت عند زوجي صفر زوجي اشترا الادويه وبدء في رحله العلاج وكان ماعندو رغبه في العلاج بيقلي يعني ايش حيرتفع اكيد قليل وانا طفشت وانا وانا وانا تعرفو الرجال وكلامهم المهم ياعزيزاتي بعد 3 شهور جاه موعد التحليل راح زوجي وسواهم وانا يوم النتيجه على اعصابي والله من الصباح صاحيه استناه وكل شويه اتصل عليه يقلي لسى ماضهرت ولما جاه على البيت قلي 1000 بس قتلو من جد تتكلم قلي خدي الورقة شوفي لو مو مصدقة واو ما اخدت الورقة مكتوب عليها 86000000 او شي ماعرفت اقرء الرقم من الصدمه اخدت ثواني لين ما استوعبت وجلست اصرخ وانط وابكي من الفرحه مشاء الله تبارك الله الصلاه على النبي 86 مليون تخيلو الفرق وبس في 3 شهور والله ماصدقت طرت من الفرحه


رحنا للدكتور والدكتور انبسط من النتيجه وقلي دورك دحين قلي روحي وتعاليلي تاني يوم الدوره واستنيتها لما جات واداني ادويه وقلي تعال ي 7 الدوره وكتبلي على ابر منشطه كل يوم ابرهوكل يوم ارحلو وهوا يتابع الاباضه على الاشعه الايكو وكل يوم يسولي ايكو مهبلي وفي ويم 15 الدوره قلي اليوم تاخد ابره تفجير الاباضه و3 ايام من بكرا جماع وقلي انتضري لين موعد الدوره لو جات تعالي كمان تاني يوم ولو ماجات انشاء الله ماتجي ويكون حمل تعالي بعد ماتتاخر 6 ايام يعني المفروض تجي الجمعه بعد بكرا والله قلقانه مره وسويت تحليل بيت طلع سلبي قبل 7 ايام طلع سالب الدكتور قلي مافي تحليل مضمون الا لما تغيب الدوره يوم على الاقل وانا نفسي اسوي هرموني زوجي قلي اصبري لين السبت بس والله ماليا صبر ونسيت اقلكم عن زوجي انو الدكتور قلو خليك مستمر في الادويه خايف انو يتراجع العدد قلو بس لين ما انا احمل انشاء الله ادري طولت عليكم


بس والله من الي في صدري ارجوكم لو بس تردو عليا لو بدعاء بس يمكن ربنا يكتبلنا الخير الله يرزقني واياكم الحمل السليم المعافى من غير زياده او نقصان في عاجلا غير اجلا يارب