بنات ضايجة حيل هواية
مشاكلي وية بيت عيالي
يتدخلون بحياتي وبحياة ابني هواية
بحيث كلشي يصير بابني يذبوه براسي عبالهم متقصدة امرضة لو اودي دكاترة
عمتي تكلي انتي علمتي عالدكاترة الولد كلشي مابي ماعرف شسويتيلة
بربكم هذا حجي؟؟؟؟؟ يعني تتوقعون ام تتمنى المرض لابنهة؟؟؟؟
تكول اني جهالي كبرو وماشافو دكتور كتلهة ذاك وكت ماجانت امراض هيج وماجان الجو ملوث وهسة هواي اشياء تغيرت
كلشي هسة تغير تكول اي هذا حجي انتي تكولي
وصارو يتدخلون بحياتي هواية
وقبل مااجي لبيت اهلي تعاركت وية حماتي لان تغار مني ومخلية عقلهة وياية
وهي مواليد 81 اكبر من زوجي بسنة ممتزوجة
ومن ردت اجي لبيت اهلي لازم ينغصون الجية علية
بحيث خابرت اسال عليهم تكلي هاي من راح لبيت اهلج هيج صار بي
جان الولد هنا مثل الورد كلشي مابي
وبالرغم هو صارلة 3 اسابيع اسهال واني صارلي اسبوع ابيت اهلي
اني كل 3 اشهر اجي لبيت اهلي ابقى اسبوعين لان هم بالشمال وبيت عيالي بغداد
من وراهم حتى زوجي كام يتغير علية ماعرف ليش
احسة كوة يخابرني ومن يخابر يسمعني حجي يضوجني
وعندي اخوان زوجي 2 بعدهم ممتزوجين كلش يحبوني
بحيث ميمر يوم الة يراسلوني ويسالون علية
شو هسة كلش تغيرو احجي وياهم عالفيس بوك
من ورة خشمهم يحجون بالرغم ماعندي شي وياهم
والله ضايجة وماعرف شسوي وياهم
بليز انصحوني