[قلبي يهواك]

المشاركة الأصلية كتبت بواسطة مشاعل الدوسري

السلام عليكم ...


حبيبتي انا واجهة مثل هلمواقف لما اكتشف طيش البنات اللي حولي عن طريق الصدفه ..

اعزميها انكم تطلعون مع بعض لمطعم لكافي
قولي لها هلكلام ..
بتكلم معاك مو مثل اختك لا مثل صديقتك ممكن الاصدقاء تتقبلين كلامهم اكثر من الاهل.. كلميها بهدؤ
أنا دريت ان لك علاقه لكن بكم شخص انا ما ادري واحد 2 3 الله و اعلم ..
تحبينه هبال هم بعد ما ادري طلعتي معاه شافك الله و اعلم لكن اللي اعرفه
اني لو قلت حق امي اقلها ضرب و حرمان و ان درى ابوي ممكن يزيد عليك
لدرجة الحبس ..
و ممكن ما اقول و اسكت و بيوم من الايام احد من اصحاب اخوك يشوفك معاه او اي حد يسمع
ان اهل هلبيت في عندهم وحده تكلم شباب.. يعني بلعربي سمعة اهلك و سمعتك ..

انتي ما عملتي حساب لاهم شي ربك ربي معطيك هلفرصه و ساتر عليك قاعد يختبرك
مو اختبار ابو 30 درجه او بو نسبه نهاية السنه ..

يمهل و لا يهمل..

و فلنفرض انه يحبك و يبيك و بيتقدم لك و و تدرين ان اغلب الزواجات اللي تمت بهذي الطريقه فاشله
لان بينولد فيها في المستقبل الشك و الحرمان
و ممكن ما يخليك تستخدمين الجوال الا قدامه و ماتروحين لصديقاتك
لانه مو واثقه ما انتي حكيتي معاه من وراء اهلك و محد يدري
سهل جدا تسوين اشياء كثيره من وراءه و لا تقولين
يحبني و ماراح يفكر هيك .. ابليس ما مات ممكن حتى من بيت اهلك يحرمك .

يقولك صوت المراءه عوره و اذا انتي تقولين انا اكلمه بس بلتلفون استهبال و و و الخ ..
على فكره صوتك عوره و انتي رابطه علاقه مع واحد .. انتي مو داقه على مطعم و لاعلى جهة طالبه منها منفعه او خدمه ..

بتقولين و انا قاعده اكلمه على التلفون بس مستفيده منه وايد يشحن لي يحول لي فلوس ...
تقارنين نفسك بكرت رخيص بفلوس بوسخ دنيا .. بشي ممكن يكون بيدك اليوم و بكره تفقدينه
و ممكن تقولين بس احكي معاه افضفض اتسلى ماراح يفيدك كل هلامور تضرك المتعه اللي تستمتعينه من وراء مكلماتك معاه
متعه حرام
على فكرره هو المستفيد الاكثر منك و بيلعب بسمعتك وقت ما يبي يهددك وقت ما يبي..

ممكن يكون متزوج و زوجته درت انه يكلم بنات بتدعي عليك انتي مو عليه هو ..

و دعوة المظلوم مافي بينها و بين السماء حجاب ..

فا ياعزيزتي مهما كان عذرك بارتباط بهذا الشخص مضاره عليك و على اهلك اكثر من منافع هذا لو في منفعه لو شي صح

ماكان بتسوينه و محد يدري ..

ادري ان ودك حد يحكي معاك كلام حلو يهتم فيك لكن مو بهذي الطريقه

على فكره هو لو يحترمك كان ما كلمك لو يخاف عليك و كان بجد قاصد خير كان كان ماسمح لنفسه انه يحكي معاك ..

اذا على الاهتمام و الشعور بلحب .. بكره بتتزوجين و بتصير عندك فترة ملكه .. و و زواج و بداية زواج ليلة دخله و شهر عسل لو حتى اسبوع عسل لكن
بيكون احلى شي مهما كانت عيوبه و بتستمتعين تدرين ليه ..؟

لانه بيكون متعه بلحلال قدام الناس اشهار الكل يدري ان هذا زوجك اللي تفتخرين فيه هو افتخر فيك و اشهرك قدام الناس ..

اللي تكلمينه يقدر يواجه اهله و الناس يقولهم اكلم فلانه لا و اذا قال بيكون وقح لانها علاقه غير شرعيه

و اذا بيشهر فيك بيشهر فيك عند امثاله اصحابه اللي يحكون مع بنات بيقول و الله البنت هذي فله محترمه و مؤدبه و اخلاق و هم من داخلهم بيقولون الله كل هذي الصفات و تكلمك .. و الخ من هذي الامور ..


ابيك تقعدين مع نفسك و تحاسبين نفسك .. و تفكرين بكلامي .. و اتمنى انك تتخذين قرار صحيح ..


لكن انا ماراح اسمح لك انك تتمادين انتي لازم بأسرع وقت تقطعين علاقتك فيه و تبعدينه عنك ..

و شوفيها اذا كانت طالعه معاه و ضحك عليها و لا لا و هي خايفه تقول يدل بيتكم و لا لا مرسلتله صورتها لازم تعرفين هذي التفاصيل و انشالله بتطخ ...


لكن خلي عينك عليها مهما صار و خذيها كا صديقه و ياليت تقترحين على امك انكم تزوجونها اول ما تخلص ثانوي ..

و اذا هي تبي تتزوج و قد الزواج شوفو لها عرس من الحين ..


و الله يهديها ممكن بعض صديقاتها لهم علاقه بعد بهذي الامور انصحيها انها ترجع كرامتها لو في حد من صديقاتها دري

تقولهم انها بطلت تحكي مع شباب و انها غلطه و راحت و لا تنسحب منهم على طول و تحاول تنصحهم على قد ما تقدر و تدريجيا تنسحب عنهم عشان ما يفضحون فيها ..

انا مع كلام الاخت مشاعل الدوسري ماشاءالله كفت وفت

الله يهدي اختك ويصلحها