السلام عليكم ورحمة الله وبركاته ولدي محمد قبل في وضيفه حلووه ماشاءالله تبارك الله ومن فرحتي سويت له هذي الكيكه احتفال بهذي المناسبه الرائعه ربي يفرحكم وعيالكم يالغاليات في الدنيا والاخره طريقة عمل كيكة القلعة بالصور اليوم اخترت لكم خليط انكلش كيك اتحصلينه بملتقي الخبازين حضرت صينيتين مقاس عشره وبطنتها بورق الزبدة مقادير الكيكه ثلاث بيضات نص كاس زيت ثلت كاس ماي كاسين ونص طحين وهذا هو الخليط بعد ماخلطناه انا هنا ترك شوي من الطحين علشان الفواكه اغمسها بالطحين لكي تحافظ على مستوها بداخل الكيكة ولا تهبط لقاع الكيكة الفواكه يخلط بالملعقة الخشبيه وضعت الخليط بالصواني وادخله بالفرن حتي ان يستوي الكيك انا هنا استعين بالعود علشان اشوف الكيكة اذا استوت ولا لا طبعا اذا ظهر على العود عجينه من خليط الكيك يعني معناه لحين ماستوي العود نظيف معناه استوت الكيكه ورق الزبدة دائما تسهل لى العملية انا هنا سويت بعد صينيه بس خليتها ساده بس وضعت معاه بشر ليمون بعد مابردت الكيكة اقطع الطبقه الى فوق انا حشيتها بكريمة الجبن والاطراف الكريمه العاديه وهنا نضع الكيكة الثانية والثالثه ثم نفنن بالكريمه لكي تغطي لنا كل الاجزاء الخاليه بين الطبقات شفتوا كيف غطيت التجويفات بين الطبقات علشان لما اضع الفودان ماتنبان لنا العيوب لشكل الكيكة انا استعندت بهذا السيلكون علشان اسوي سور القلعة طبعا ادواتي من تافولا او ساكو في الرياض جميعها انا مع الفودان وضعت كيم تكست بودره علشان تيبس لى العجينه وتشكل العجينه بسرعه احط نشا وسكر بودره علشان مايلصق الفودان بالسيلكون انا هما اخذت نفس الصينية الى سويت فيها الكيك وباطراف الصينيه دهتها سمن وبعدين الي سويته سور القلعة وضعتها على الصينيه علشان تجف وانا سويتها قبل بيوم وتركتها لين اليوم الثاني واستخدمته شفتوا انا اضع الفودان فى نفس السطل واذا استخدمته وخلصت احطه فى اكياس نايلون واحكه عدل علشان مايدخل الهوى بالكيس ولما استخدمه اخذه واحط معاه شوي سمن مازولا علشان تلين ومن ثم يستخدم وبعدها اسكر السطل واتركه بحرارة غرفة المطبخ ولا يخترب ولا شي فردنه الفودان لتغطية الكيكه طبعا انا اسوي الكيكة قبل بيوم واغلفها بالكريمه واتركها لين اليوم الثاني علشان تتماسك اكثر وتاخذ راحتها وباليوم الثاني اضع عليها الفودان وهذا سور القلعه شفتوا كيف العجينه متماسكة شوي وهذا للباب طبعا انا شريته من سااكواا وهنا احجار السور شريته من تافولا او سااكو مثل حقة الثوم جدا روعه هو للفودان العروسه الي فوق الكيكة يابنات جاهزه من السكر انا شريتها من محل الكيك بالرياض بالعافيه علينا وان شاء الله ايامنا كلها فرح يارب تم الانتهاء من الطرح وسامحونا على القصور مع خالص تحياتي ((العاااالي مستواها))