[محتاجته]

السلام عليكم و رحمة الله و بركاته ..


الحمدلله في كل وقت وعلى كل حال
مرحبا اخواتي
اسال الله بمنة وكرمه وفضله ان يلطف بنا جميعا و يفرج همومنا و يرزقنا من غير ما نحتسب

انا يا عزيزاتي والله اكتب وفيني غصه مدري وش اقول وش اكتب ، من زمان عن ايام المنتديات و المشاركات لي حوالي سنتين متزوجه وهذا اول منتدى اشارك فيني بعد الزواج اشغلني موضوع الحمل عن كل شي و تفكيري فيه اغلب الاوقات ..

من اشهر الزواج الاولى وانا انواع الاوهام كل دوره اني حامل بس بالاخير يكون مافي شي ، الصيدليات اكثر من تربحوا من وراه انا كل شهر 4 ولا 5 تست وبالنهايه مافي شي ..

حتى يوصل بي الوهم اوقات اني اعمل تحليل دم يمكن سويتها 4 مرات او اكثر ..

طبعا زوجي تحاليله الحمدلله كويسه ، انا كنت ابدا اعمل تحاليل بعدين ما اكمل لحد قبل 3 اشهر رحت لدكتوره شاطره (انور جيهان ) واستمريت عندها و طلع عندي الغده الدرقيه مرتفع جدا عطتني ادويه منها للغده و كمان عطتني حمض الفوليك و كلوميدا , الشهر الي فات كنت شاكه اني حامل لانو دورتي كل 22 يوم والشهر الي طاف تاخرت 26 يوم بس جت و بعدها بعشر ايام جت مره ثانيه واول مره تصير لي لانو دورتي قبل الزواج و بعد الزواج منتظمه ي 18 او 22 يوم واستغربت الي صار الشهر الي طاف ..

طبعا رحت لدكتوره هالشهر و قلت لها الي حصل عطتني منظم و عطتني نوع منشط ثاني (ويارب ان شاء الله ما اشوفها الدوره ولا احتاجه انا وكل من تبي تحمل يااارب )

اليوم لي 24 ولسه ما شرفت ، معي الم فضيع باسفل بطني من الجهه اليمين و الم بجنوبي كلها و بطني غازات و منتفخ بشكل غريب اول مره احسها و ينزل معي افرازات صفراء اول مره تنزل معي و بشكل كثيف لدرجه حطيت فوطه الدوره مو الفوط اليوميه , هذي الاشياء الي مستغربتها هالشهر اوما باقي الاعراض زي انتفاخ والالم بالصدر و الظهر هذي كل شهر تصير معي قبل الدوره ..

مهدده نفسي ما اسوي اي تحليل الا بعد ما يمر شهر بس وش بيصبرني ):

ادعوا لي انو يرزقني بالنونو الي يملى حياتي انا وكل من تبي طفل