[na3ooma]

المشاركة الأصلية كتبت بواسطة ام الحلوين 5

مساء الخير ياكروشات يارب يسهل علينااا ويفرحنا ويجعل نهاية صبرناا فرج وفرح ياارب
نعومة ياقلبي بسالك بما انك مجربة ابرة الظهر كيف ومتى اروح لهم اول ماحس الطلق ولا شلون ابيك تقولين لي عنها كل شي اليوم الدكتورة قالت انتي خوافه انصحك فيهاا وكتبتها لي بالملف حقي عاد احس وسوسة فيهااوشلون اذا حطوها بظهرك تحسين فيها ولا يخدرون المكان

هلا حبيبتي
شوفي كل ولاداتي مانزلت علي الموية ,, دايما يبدا الطلق
واروح وتقريبا الالم يكون كل 10 دقايق , ويكون مفتوح تقريبا 3 سم
ينتظروا يصير 4 سم ويجي دكتور التخدير .. وكلك تكون متغطية
بس يادوب فتحه الملابس دائرية عند الظهر
اول شي تعقيييييييم تحسي شي بارد بظهرك
بعدين الدكتور بابرة مره رفيعة زي ابرة التطعيمات العادية يخدر عضلة الظهر
يادوب احس وقتها بنغزة صغيرة مره زي حقت التطعيم ..اصلا ماتجي شي جنب الم ابرة الوريد السخيفة مره اكرهها هههههههه
وبعدين يعقم ويتكلم معاكي ,, ويقول خلاص .. دقايق بس
طبعا في الوقت اللي يتكلم فيه يحط قسطرة (انبوب ) رفييييييييييع مره في مكان عضلة في الظهر ويحط عليه لزق ويثبته خلاص باللزق .. والانبوب نهايته تكون عندك انتي جنب يدك
ويكون موصول بسائل مخدر ..كل ساعة او ساعتين حسب قوة التخدير والألم يفتحوا السائل ينفط كم نقطة تنزل لحد العضلة في الظهر وتحسي بشي بارد وعلى طول تخفي الألم

وقت الولادة بعض الدكاترة يخففوا الجرعه علشان يساعدوكي تحسي بألم بسيط زي الدورة علشان تدفعي البيبي . وبعضهم يخلوا نفس الجرعه وولادة بدون ألم واذا جا الدفع يقولولك لما يشوفوا جهاز الطلق.
انا الحمدلله على نعمته ماجاني صداع بعدها , لان الممرضة نومتني على ظهري 4 ساعات بعد الولادة بدون مخده تحت راسي وقالت هذي افضل طريقة علشان مايجي صداع وماشاء الله كلامها صحيح .
وألم الظهر هو نفسه حق الولادات .. واحيانا احس بشوية شد في ظهري بس كله يختفي بعدين لما الجسم يبدا يتعافى من الولادة والنفاس والتعب

اهم شي يكون استشاري تخدير مو اي احد علشان باذن الله مانتعب من اثار جانبية وتعب وقت حط الابرة . الله يسخرلنا اللي يخافوا الله فينا ويكونوا من خيرة خلقه يااارب