مساء الخير حبيباتي احلى تجمع واحلى كروشات
كلكم ربي يسعدكم على دعواتكم وتسهيلكم موضوع عملية بنتي
ربي يسهلها من عنده , رحت اليوم حفلة تخرجها في التمهيدي
ياارب حلوين الصغار في التخرج , وعاد مع هرمونات الحمل بس دموع هههههههههههه
ان شاء الله لما اشوف دكتورها ايش يقرر باعطيك اخر الاخبار ...
.
.
ام حمادة من جد لاااازم نبعد عن الشاي والقهوة و اي شي فيه كافيين لانه من جد يأثر على كل انواع البنج سواء كمامة ولا ابرة عضل وحتى ابرة الظهر وابرة التخدير حقت منطقة الخياطة .
ان شاء الله اوقفه خلاص .
سفن بارد الطلق الكاذب اللي هو التحجر القوي اللي يخليك تحسي انك لازم تغيري وضعيتك او طريقة تنفسك علشان يخف ويجلس يمكن دقيقة ويروح ,,
ام لبنى , انا اسمعها من زمان تنفسها مو مريحها وهي نايمة واسمع شخير وكتمة بس كنت احسب عندها حساسية زيي انا وابوها , الحمدلله اني عرفت وربي يختار اللي فيه الخير واذا اراد اسوي لها العملية قبل ماتدخل المدرسة وقبل ولادتي ان شاء الله
مس يويو الف الحمدلله على سلامتك انتي وعبودي , ربنا كريم ورحيم وبيكون معك بغربتك انتي استمري على الدعاء وهونيها وكلها فترة بسيطة ويبعد خطر الولادة المبكرة ساعتها خليه يشرف الوقت اللي يجبه على خير يارب
مرافيء تسلمي والله , وباسويها لها , انا خوفي من رعبهم لحظة دخول غرفة العلميات لحالهم والبنج .. الله يهونها عليها حبيبتي وماتخاف
ام جومانا تقدري تسافري بالطيارة بس خدي تقرير من دكتورتك انها موافقه واعطيهم هو بالمطار وماراح يقولو لا , السيارة صعبة ودكتورتي يادوب وافقت اروح 4 ساعات بس لما رحت الشرقيه لكن جده لا احلم الا بالطيارة
سكر صلالة مااظن له علاقة السمار بنوع الجنين , انا في ولدي وبنتيني رقبتي تسمر وجسمي نفس التغيير في كل حمل سواء الوان ولا شكل بطن ولا وحم ..
دندوشة روقي قبل ماتبدئي توسوسي من جد سيبي الطلق حتعرفيه اول مايجي , ومهما خمنتي ماراح تتوقعي لانك بكرية فخليكي ريلاكس وامشي وكلي تمر وربي يسهلك