[هنّوسه]

السلام عليكم

كيفكم يا بنات ؟؟

ابي منكم اقتراحات او حلول
زوجي انسان هو في وادي والترتيب والتنظيم في وادي
يشيل ملابسه ويخليهم ع الارض
ياكل شي وينساه مرمي بالارض
يفتح العلب ويخليهم مفتوحين
انساان حوووسة بمعنى الكلمة ،، والمشكلة ان اهله ما شا الله عليهم اكثر نااااس شفتهم بحياتي مرتبين ونظيفين في كل شي ،،
لدرجة صرت انتبه لنفسي بالترتيب من كل شي اخاف يعيبون على شي هههههههههه
ومن كذا هو صار مو مرتب بس في نفس الوقت مو متعود يشوف العفسة والحوسة ..

يعني يقولي حبيبتي رتبي الصالة او المطبخ ترى والله اتضايق انا من الحوسة

تدرون وش المشكلة ،، لما عشت مع اهل زوجي شفت ان هم السبب
يعاملون الذكور اللي هم زوجي واخوه وعمي (آبوهم)
مثل الملوك ،، يسوون لهم كل شي ،، حتى كاس الماي يجيبونه لعندهم.
عشان كذا هو تعود ان احد يشيل ويحط من وراه ،، وتعود يشوف مكانته نظيفة مهما سوا >>


طيب ،، انا ما انكر انه يغسل مواعين معاي ،،
يرتب الشقة اذا سوينا حملة تنظيف شاملة هههههه
بس حووسته اليومية ما ادري شلون اتعامل معاها ؟؟؟

الحل برايكم ؟