يسعد صباحكم جميعا"
كيفكم ياحلوات يارب تكونوا بخير
طبعا" مشتاقتلكم كتير
بنات يوم الجمعة كان موعدي من شآن رباعي الابعاد وتخيلوا كان دوري الساعة 11 بالليل ههههه زوجي جن رحنا ع ال9 وبعدين رجعنا ع البيت ورجعنا رحنا كرة تانية .. المهم الحمدلله اطمنت ع الجنين وهو بخير وكلشي عندوا مكتمل ومافي اي خوف بإذن الله بس والله زعلت لاني ياحرام جلدة ع عضمة كتيييييير ضعيف قالتلي الدكتورة وزنوا مو مناسب لازم يكون اكتر وزوجي صار يقلي شو جاي من الصومال ههههه والمشيمة عندي نازلة وطع كمان حساب دكتورتي غلط طلعت انا هلق بآخر الخامس مو السادس وانقهرت كتير .. بس والله مو بأيدي مش عارفة شو بدي اعمل عم اكل غصب عني عم حاول ماحسس زوجي بهل شي .. من طرف مدايقة كتير وخايفة ع الجنين .. ومن طرف تاني خايفة ع أهلي كتير والله بضل طول الوقت ع أعصابي .. ومن طرف تالت آكلة هم زيارتي بتخلص بشهر تموز وخايفة مايمددولي أو ماتزبط الاقامة لاني مو حابة اترك زوجي واسافر وبعدين مايقدر يجيبني ع طول مرة تانية كتير آكلة هم هل موضوع .. ومن طرف عرس أخوي 25 بالشهر هاد وكتير كنت حابة أحضر زعلانة ع أخوي مافي حدا منا راح يحضر عرسوا لاني عرسوا بإلمانيا وماقدروا أهلي يروحوا لعندوا لاني ماعم يعطوا زيارات للسوريين وأنا ع اساس يطالعني زوجي من هون بس بما انه بعدي زيارة مابقدر روح .. والله العظيم راح طق .. وأخوي الي اصغر مني راح يسافر كمان ومش قادرة انزل ودعوا تخيلوا الله اعلم ايمتى بنرجع نلتقي .. وصارت خطبت وكتب كتاب اختي الصغيرة وأنا ماقدرت أحضر ونحن بس 5 ولاد أخي الكبير بإلمانيا وانا هون وأخي الاصغر هلق بدوا يسافر ع تركيا ومن هنيك ع المانيا كمان وأختي وأخي اصغر شي عمروا 16 سنة عم يدرس هو هلق صف حادي عشر يعني نحن عيلة صغيرة واللللللللللللللللللللللللللللللللله راح طق شو اعمل قولولي تعبانة كتيرررررررررررررررررر فوق ماتتصوروا والله زوجي مو مقصر بس مو بإيدي قولولي شو أعمل حرام شوذنب الي بطني مش عارفة يابنات والله مو عارفة ...... الللللللللللللللللللللللللللللللللللللللللللله يفرجها علي وعليكم وع الجميع
آسفة وجعتلكم راسكم وأنتوا مو ناقصكم حقكم علي بنات بس حسيت إذا ماحكيت راح طق
بنات بدنا نسمي مالك بإذن الله شو رايكم بالاسم ؟؟
مع كل الود
تحياتي (^_*)