السلام عليكم
والله تعبت يابنات من التفكير والمحاتاه
دورتي تأخرت وثاني يوم على طول حللت بكليربلو وكان سلبي وقلت الحين تشرف كالعادة (من احلل تنزل على طول) وما نزلت
اليوم ثالث يوم متأخرة وكل شوي يجيني مغصها واروح الحمام اقول بتنزل خلاص وماشوف شي
ولما يكون المغص قوي كلش تنزل شوية افرازات بنية فاتحة
ومعاي حرارة خفيفة من قبل الدورة بيوم للحين
حتى وزني قاعد ينزل الظاهر من كثر المحاتاة
اقول بنفسي مدام كليربلو عطاني سلبي وهو حسب ما مكتوب عليه نسبة دقته 99% فماعتقد حامل بس ليش للحين متأخرة مو راضية تنزل وانا دورتي منتظمة ما تأخر أكثر من يوم وتبويضي اوكي صار 14 الشهر حسب اختبار الاباضة الرقمي اللي استخدمه
ادعولي يابنات جزاكم الله خير ربي يرزقني الحمل الثابت السليم ان شاء الله
آسفة طولت عليكم بس ماعندي احد اتكلم معاه واقوله عن حالتي قلت افضفض هني