[بنوتة صالح]

الله يستركم يا بنات ويبارك فيكم يااارب
والله فرحتوني .. الله يهون عليا مشاكلي وظروفي وع كل مسلم يارب الحمدلله
الله يرزقكم فرحة لا تشوبها شائبة ويتمملكم ع خير

اللي سألتني عن زيت الزيتون وجوز الطيب
هي جدا حامية
ما تسويها الا لمن تخلصي التااااااااسع
لانه ممكن تولدي قبل ومايكون موعد الطفل
وقريت تحذير ابدا ابدا ماتسويها قبل نهاية التاسع والله اعلم
انا سخنت الزيت وحطيت عليه جوز الطيب ودهنت ظهري وجسمي وركزت ع بطني وفخذي ودهنت المنطقة من تحت
واتلحفت بدون مكيف كم ساعة.. يمكن 3 الى 4
واتروشت وبعدها حسيت بألم وفتح الرحم
وكشفت قالت 1 سم وكانت الساعة 7 الصباح
وقالت ممكن تجلسي اسبوع ع هذا الحال
ولمن صار العصر قلت ادهن ثاني
وسويتها الساعة 5 العصر وجات 7 المغرب ونزلت عليا المويا
ورحت ع المستشفى
قالت زي ماهو 1سم ونص يمكن
لازم تآخدي طلق صناعي لانه طلقك خفيف
ولو انتظرنا 24 ساعة ممكن تجف المويا حول الجنين ومايقدر يخرج نفسه
وممكن لاسمح الله تصيبه التهابات
وتدخلي مرحلة الولادة القيصرية
او طلق صناعي وتولدي طبيعي
والحمدلله ربي يسرها وقبلت بالطلق وفتح بعد الطلق الصناعي وولدت الحمدلله
بس حيلي وظهررررري انتهى
وظهري الآن مفكفك كل الفقرات تطلع صوت
الحمدلله بس ع السلامة ..

الله ييسر لكل حامل