[توت ياعسل]

المشاركة الأصلية كتبت بواسطة المخملية

بنااات كراريش ونفوسااات
ولكل من جرب الطلق الصنااعي
هذا موضوع استطلاع كم اخذ معك الطلق الصناعي وولدتي
كل وحدة جربت الطلق تقول لناا ...

وهل بدأو بتحميلة والا بجرعه طلق في المغذية
؟؟.

وهل الرحم كان مفتوح والا مقفل وقت مااخذتي الطلق؟؟
وكم كان مفتوح ؟؟

انا أعطوني التحاميل والرحم كان مقفل وماكان عندي اعراض ولاده بس كان لازم يولدوني

بداءو بتحميله وكل بعد 8 ساعات تجي الدكتوره تكشف وتعطيني التحميله الي بعدها + مرهم يحفز على توسيع انفتاح الرحم
اول تحميله مافتح
ثاني تحميله اقل من نص سم
ثالث تحميله اقل من نص سم
رابع تحميله 1سم
اول مايعطوكي التحميله ماتتحركي لمدة ساعتين بالأخص رجولك وبعد ساعتين من كل تحميله يسوون لك تخطيط
الطلق كان شديد
بعد التحميله الرابعه نزل دم ومويات الجنين بكثره بعد ما رحت امشي
نزلوني قسم التوليد جلست من الساعه 1 الظهر الى 12 باليل تخيلوا بس العذاب
وقمة المجازفه في حياة الناس تخيلوا جاني دكتور قالي نعطيك التحميله الخامسه ايش
رايك
رفضت طبعا وطلبت عمليه لأني خفت على الجنين يصير فيه شي أقصد عشان المويات أنفتحت من الساعه 11 الصبح
بس جات استشاريه الله يسامحها والغت العمليه وخلتهم يعطوني محلول طلق الله لايسامحها وذق الموووووووووووووت يعني أيش الغباء الرحم ماينفتح عندي ويبوني أولد طبيعي غصب
طول الله عمركم الساعه 7 الصبح من اليوم الثاني المناوبه الجديده جاء دكتور شاف ملفي وكشف علي قالي لسه 1سم
قالي يا أمي أنتي من البدايه المفروض عمليه ايه دا كله انتي الرحم مابينفتح عندك تخيولي صرت ابكي اقوله خلاص ما ابي عمليه انا من اليوم اقولكم سوولي عمليه محد راضي خلاص بروح البيت
قالي والله عشر دقايق وانتي بغرفة العمليات وسكت وتأخروا صارلي ربع ساعه محد وداني قلت للمرضه خلاص ودوني قالت في حاله طارئه جدا دخلناها وصبرت لحد ماودوني والله العظيم ان العمليه جنه اعطنيها ربي بعد الموت الي شفته

الطلق الصناعي كان مدته 3 ايام بدون نوم من شدة الالم

كلها تياسير من الله
والله ييسرلك واجسام الناس بتختلف