[رنووومة]

هايدي حبيبتي قرأت يلي فات الله يكون بعونك بتعرفي انا من الشام بس زوجس اصله من حماة وحماتي حمصية وكانوا صعبين كثير حماتي توفت بعد سنة من زواجي كانت مريضة بس اخواته البنات ارجوني الويل خصوصي نحنا يلي قلبنا على راس لسانا وكل كلمة بيقلبوها وبيعملوا منها مشكلة
انصحك نصيحة انا الي حوالي 13 سنة زواج ومرق على راسي الكثير اول 6 سنين عذاب حتى من زوجي حتى فهمني وتعود على صراحتي وكله بصبر وفم ساكت وبالاخير انقلب وصار معي وهو يلي ببعدهم عني تصدقي وكل ما ببعدهم برجع انا بحننه قلبي المشرشح على قولته
اهم شي تصبر وحاولي ما تقوليله امك هيك قالت او تعبت الله بقويكي واهم شي لهم شي اكيد حماتك قالت هيك لتغيظك ممكن فهمانتك غلط مثل ما كان يصير معي و بتحسبلك كل كلمة تقوليها قبل ما تجاوبي عدي للعشرة وحتشوفي بها الطريقة اذا ما كسبتيها حتكسبي اكيد زوجك لجنبك واهم شي حاولي تدللينها قدامه هالشي حيفرحه وعسى تتغير معاملته معك يا قلبي