يمكن الكل يستغرب ردي لاني ردي عكس الكل
تدرين ليش لاني تقريبا مثلك
بس الفرق الي بيني وبينك ان امك ميته الله يرحمها ويغمد روحها الجنه
بس انا امي عايشه يعني انا مصيبتي اكبر
انتي بتتعذرين للعالم كله واولهم زوجك ان لو كانت امك موجوده ماكان صار معك الي صار
بس انا بيش اتعذر !!!!!!!!!!
ورغم هالشي ماحرمت نفسي فرحت النفاس و جهزت لنفاسي في بيتي ومن احسن مايكون
كل شي شريته وسويته وجهزته ومن افخم شي واحلى الاماكن
علشان ماحد يشمت فيني من اهل زوجي او غيرهم
او على الاقل الي مابيشمت ييقول ياحرام ماعندها احد
مستعده اجيب بدال الشغاله ثنتين بس ااقضي النفاس في بيتي واستقبل في الوقت الي يريحني ويناسبني موب على كيف اي احد حتى لو كانت امه دام انها موقفت معي انا موب مجبوره متى ماتصلت وقالت لي بنجيك اقول لها اهلا وسهلا لاااااا
بالعكس متى ماكون انا عندي الاستعداد استقبل بقول لهم تعالو
ويشوفوني وانا سيدة بيتي حالي حال بناتهم هم موب احسن مني
ويوم الي بيجيني احد بتصل عندي احلى المطاعم وافخمها للحلى والمعجنات انا بس برسل لهم صواني وهم يعبونها ويرتبونها لي بشكل فخم وحلو
يعني بختصار انا لو مكانك بقعد في بيتي وبجيب جدتي عندي اذا تقدر تجي واذا ماتقدر الله يعينها ويساعدها بس بعتمد على نفسي وبخلي الكل يعرف ان موب محتاجه لاي احد واني قدرت اعتمد على نفسي وصدقيني الوحده الي تعتمد على ربها ثم على نفسها الكل يحترمها ويعمل لها الف حساب لان يعرف ان شخصيتها قويه
اسفه على الاطاله بس تقدرين تقولين اخذت راحتي في الكلام لان موضوعك جاء عالجرح