السلام عليكم ورحمه الله
كيفكم يا بنات يا رب تكونوا بخير
بدي اطلب مساعده منكم ويا ريت تساعدوني ,.
المشكله ع اسم البيبي ,,,
كنت انا وزوجي مقررين نسمي عز الدين ,.
لكن بعدها حصلت امور كثيره منها وفاة اخوي وكان اسمه نسيم رحمة الله عليه , وما بعرف ع طول حكيت خلص نسيم اخوي ما راح اللي في بطني ان شاء الله رح يكون نسيم وكتير حابه اسمي هالاسم لانه رح يفرح كل عيلتي بصراحه خاصه انو اخوي اللي اتوفى لسه صغير 19 سنه ,.
المهم زوجي ما بده الاسم وغير الاسم اللي كنا متفقين عليه وقال بده يسمي فؤاد ع اسم اخو الاكبر منه لانه اخو هاد مسافر الو فتره برا البلد ,.
وانا ما حكيت بالموضوع مع زوجي الا امبارح وحكتله انا جد نفسي اسمي ع اسم اخوي وهالامور هاي بس هو صار يحكي الامر كتير حساس وانا حابب ينادوني ابو فؤاد وانا بصراحه كتير بدي نسيم ومش عارفه شو اعمل
طولت عليكم بس يا ريت تنصحوني