السلام عليكم هادي اول مشاركة ليا في المنتدى فارجو انكم تقبلوني معاكم وتفيدوني وافيدكم انا حامل في الشهر التاسع وبالتحديد الاسبوع 39 وكنت براجع في الاطباء عند الدكتورة صباح حداد اول مرة دخلت عندها مرة ارتحت وجلست تسالني وتتكلم معايا وكنت مرررررة فرحانة اني اخيرا استقريت على دكتورة لاني عايشة في الرياض واهلي في جدة وحولد عندهم <<طفشتكم صح ؟؟سامحوني المهم كنت باول الثامن وماتيسرلي اروح عندها مرة ثانية الا وانا في التاسع لانها اخدت اجازة مرضية ورحت عندها وماكان في بالي الا سؤال واحد اذا حتعطيني ابرة بنج وقت الخياطة ولا لأ؟؟؟؟؟ لان صحبتي دوبها ولدت عندهم عند الدكتورة فاطمة النمر وما اعطتها غير الكمامه وحست بكل شي فأنا خلالالالالالالاص ماعد انام الليل من كثر الخوف وبس احلم بالخياطة المهم .... تخيلو لما سألت الدكتورة صباح عن ابرة البنج وقت الخياطة قالت وبالحرف: هاي الابرة مو موجودة عنا وهاد من سياسة المستشفى شو نعملكم نخترعلكم اياها ولا شو انا كنت مرررررررررة مصدومة من الخبر ومن طريقة كلامها مررررررررة عصبتني وخرجت من عندها وانا مهمومة لدرجة اني قررت اولد عملية ولا عذاااب الخياطة المهم في وحدة من صحباتنا ولدت عند دكتورة مجد ومرررررررررررة مدحتها وشكررررت فيها وانها ما تعبت ولا حست بالولادة وهي بكرية فقلت يمكن عشانها بكرية لكن انا ثاني طفل . فثاني يوم على طول اتصلت بالدكتورة مجد وسألتها عن الابرة وقالت انها تعطيها فعلى طول قلتلها انا بحول عندك وبالفعل امس رحت عندها مررررة ارتحتلها هادية ورايقه وحبااااابة هههههههههههه وسألتها مرة ثانية عالابرة وقالت : انتي لما تجي المستشفى لكي ابرتين *ابرة مخدر في البداية *ابرة منوم وقت الخياطة والله اني كنت بقوم احضنها من الفرحة !! ترى انا دوبي سجلت في المنتدى وحبيت اشاركم فرحتي وقلت اكييد فيه زيي كثير وشاغلهم الموضوع فلازم ابشركم ادري قروشت مخكم بهذرتي الزايدة بس اتحملوني على وش ولادة خخخخخخخ ادعولي ربي يسهل ولادتي ويقومني بالسلامة ويرزقني الذرية الصالحة