[العاااالي مستواها]

المشاركة الأصلية كتبت بواسطة ام عدي حبيبي

مرحبا انا مشتركه جديده عالمنتدى
وام جديده كمان وحابه احكي عن مشكلة ابني
هو نولد عمره 29 اسبوع و وزنه 1770
دخل الخداج شهرين ونص
فعد على جهاز التنفس اكتر من شهر وعلى الاوكسجين والدكاتره حكولي مافي امل
والحمدلله البيبي صار منيح
اول ما اخدته كان يراجع كتيير غيرتلو اكتر من نوع حليب
وحاليا بعطيه نان ايه ار وبغلبني كتيير ما بحب الحليب يادوب بيشرب منها 30 بس تطلع روحي
وبكملو 60 بالمعلقه مع بسكوت فارليز وبخلصهم بعناء
هلأ هو عمره 8 شهور ونص وعمره الفعلي6شهور ونص
برتفع وزنه كتير قليل يعني كل شهر يادوب نص كيلو
هلأ وزنه 6500 وطوله 64 وكل حدا بشوفو بفكر عمره 3شهور
بطعميه كوسا مع جزر وبطاطا ورز وجبه واحده باليوم
ووجبة موزه مع برتقاله وبهرس كل شي عالخلاط لانه ازا كان خشن نقطه براجع وصارلي يومين ضفتلو بندوره عالخضار و اول مره بحب اشي
وما بيقلب ولا بيقعد بس بحس انه بشد رجليه بدو يوقف والدراجه اكبر منه بكتير ما بقدر يقعد عليها
انا طولت عليكم وسؤالي انه هو طبيعي هيك لأنه طفل خداج؟ويلا لازم يكون تطوره اكتر؟
وبالنسبه للحليب ارجع اغيرلو اياه؟
والاكل شو بقدر اطعميه كمان؟
وكيف اخليه يحب الاكل والحليب؟
وطبيعي انه ما بيحكي الا اغا بس؟
انا بحس حالي ام فاشله وخايفه عليه كتيير ما الي غيرو هو طفل معجزه كل الدكاتره حكو مستحيل يسير عندي حمل وصار بعد 6 سنين الحمدلله ويمكن ما اجيب غيرو

ربي يخليه لك يالغاليه

هوه طبيعي جداجدا لاتخافي عليه وحده اعرفها كمل ولدها سنتين وهو يرضع 60مل بس لان المعده صغيره وماشاءالله ولدك صار مبير وياكل ربي يحميه

هوه لازم التعب لانه خديج وصغير مرره بس بالصبر يكو بخير باذن الله

الحليب حلو اللي تعطيه وطعامك كثير مفيد

عيال كاملين مو خدج بس ماياكلو ولا يرضعو كويس

ربي يخليه لك يالغاليه