[حاملة المسك**]

السلام عليكم و رحمة الله و بركاته
انا عضوهجديده بالمنتدى و هذه اول مشاركاتى فارجوكم لا تخيبوا ظنى فيكم و افيدونى

اناعمرى 18 سنه و نصف
متزوجه من 7 شهور
و كانت دورتى تاتينى على اليوم 35 قبل الزواج
و بعد ما تزوجت الدورة غيبت عليا 50 يوم
عملت تحاليل حمل لكن مكنش فى اى حمل
رحت للدكتوره نزلتلى الدوره وطلبت منى تحاليل lLH , FSH, PROLACTIN , E2
طلعت النسب PROLACTIN 21
LH 3.55
FSH 3.97
وعملت تحليل بروجستيرون من غير منشط و طلع 0.83
قالتلى الدكتوره انى عندى تكيس بالمبايض

اخدت كلوميد و لما عملت متابعه تبيوض قالتلى الدكتوره ان المبيض خرج اكياس مش بويضات و لما عملت تحليل بروجسيرون طلع MORE THAN 80
و بعدين ما حصل حمل
الشهر اللى بعده عطتلى منشط بس اضعف من الكلوميد و عملت متابعه تبويض طلعت اكتر من بويضه كلهم 10 مللم و الدكتوره قالتلى ان مش هيحصل حمل لان محصلش تبويض
اخدت بعدها كلوميد تانى لكن مخرجش بويضات و بان فى السونار فى متابعه التبويض كيس حجمه 3.7
و الشهر اللى بعده اخدت 13 ابره MERIONAL و اخدت ابره تفجيريه
و كان فى 3 بويضات و كيس كبير و قالتلى ان احتمال ان شاء الله حصول الحمل كبير بس برده ما حصل حمل
و لما غيرت الدكتوره و رحت لدكتور تانى قالى انى عندى 3 اكياس كبيره على المبيض حجمهم من 5 الى 7 سم و قالى انى لازم اعمل عمليه منظار لازاله الاكياس لان وجودها بيمنع الحمل و قالى انى مش عندى تكيس و لا حاجه و كلام الدكتوره اللى قبليه غلط و انى كل اللى كان عندى ان هرمون اللبن على بسسسسس
روحخت لدكتور تانى قالى ان هرمون اللبن مش عالى و لا حاجه و انه شاكك فى موضوع التكيس لانى لو كان عندى تكيس مكنتتش هتزيد نسيه البروجستيرون 80 بمنشط ضعيف زى الكلوميد
و قالى متعمليش العمليه و الاكياس هتروح لوحدها
و بحثت على النت لقيت ان الاكياس اكبر من 5.5 مش بتروح الا بعمليه
و انا دلوقتى مش عارفه اعمل ايه و هل انا عندى تكميس و لا لاء و هل هرومون اللبن عالى و لا عادى
و لو عادى و انا عندى تكيس ليه محصلش حمل لما اخدت المنشطات دى كلها ؟؟
بالله عليكم و فيه طبيبه على المنتدى تجاوبنى و لو حد حصل معاه حاجه مشابهه يرد عليا و جزاكم الله خيراا كثيبرا