[سوسوعلي]

السلام عليكم
اخت جوري جزاك الله الف خير على ماتقومي به من تفسير الاحلام ..
انا حلمت انو امي الله يرحمها واسمها فاطمة ومعها اثنتين يعتبروا مثل امي واكبر وهم يحبوني واحبهم اسمائهم نفيسه واسماءوايضا هم اموات رايتهم كانهم في سن الشباب لابسين مثل بعض فساتين من قماش الجبير لونها بيج وباكمام قصيرة نصف الكتف مثل فساتين زمان ويرقصون ومسرورون جدا وجوا ليا وانا جالسه واوقفوني وهم مبتسمون جدا وفرحانين وارقصوني معهم في مكاننا وكلنا ماسكين ايدي بعض ورافعينها لفوق مثل الحلقه نرقص بمكاننا وانا كنت بالبدايه مترددة بالرقص وان هذا الزواج زواج زميله ليا اسمها امل وكانت جالسه متضايقه وبجنبها امها اسمها حياة وقلت يالله برقص معهم عشان زميلتي تفرح...انتهى الحلم ..
الحلم الثاني ..
حلمت اني اجلس وجات لي عندي بنت اخت زوجي اسمها احلام وهي مطلقه وعندها ولد عمره4سنوات ومعها تحليل حمل وتسالني كيف استخدمه وكانت امتن من الواقع وجميله جدا وكانت جدا محتارة في حمل ولا لا... فقلت لها وانا امزح ليش تبغي تحللي حمل ولا لا وقعدت امزح معها انو لعبتي بذيلك واحنا بجده واقول عادي قولي ليا احنا فتيات عاادي قولي وهي تقول لالا بس ابي اعرف كذا كيف يصير التحليل وقعدنا نقراء في النشرة اللي مع التحليل عشان اعلمها وبعدين طلعت قارورة صغيرة زي الكاسه وقالت يالله هذا بولي اكرمكم الله كيف احطه بالتحليل وانا انظر الى بولها مستغربه وقلت ناخذ اعواد القطن ونبللها بالبول ونحطها في فتحة التحليل وكانت وحده جنبنا اسمها امتثال قالت اذا صدرك يوجعك ومنتفخ وفيه عروق عادي هادي علامات قبل الدورة. وصحيت من النوم
الحلم الثالث..
ابو زوجي حلم اني اتصلت عليه وقلت له انا حامل وبولد....
كلها في نفس الفترة هاذي ارجو تفسيرها جزاك الله الف خير
انا متزوجه ولي 4وشهرين ما حملت بس الان عملت تحاليل كاملة والحمدالله كل شي سليم