ياهلا وغلا
شوفي الجبيل مافيها فاتح العين كلها شي مايرضيك اقولها لك بصراحه
وحركه حلوه انك تسوي غرفتين للبيبي على قولتك خلي السرير الصغير اللي هو حق البيبي العادي في غرفتك والسرير اللي اكبر منه وكل عدته من طاوله تغير حفاظ ودواليب الملابس والتغيرات بغرفه ثانيه حلو الترتيب
طيب نجي للمحلات طبعا مافيه حل الا الخبر او الدمام هنا احلمي تلقين شي يعجبك
اذا جا اوف رجلك خذيه ويا الدمام او الخبر عند سنتر بوينت اللي هو محل زيرو تو ناين محل الاطفال كبير اكبر من اللي عندنا بالجبيل اوكي تلقينه بالخبر امتداد طريق الراشد مول او الدمام بالكرنيش كلهم واحد المهم ذا المحل فيه من اسره وداليب الاطفال اللي عليها الكلام يعني حلو شكلها بس فيها قيمتها فهمتي
وعندك ايكيا جمب الظهران مول عندهم اسره الاطفال ودولاليب وهيك شغلات وكل مايخص البيبي تلقينه واسعارهم لا بأس
وعندك بعد محلات الاطفال العاديه فيه بالسويكت اللي بالخبر ماادله بالضبط بس الكل يعرفه مايضيع ابد لانه سوق مفتوح محلات كثيره مره جمب بعض ومحلات الاطفال هناك بالهبل ذا بالخبر اما بالنسبه للدمام عندك سوق الحب او سوق الدمام سوق كبير ومحلات كثيره وبرضو محلات الاطفال هناك كثيره مره وعندك بعد محل الملاك الصغير بالدمام عنده اسره ومفارش النفاس طبعا حتى السويكت وسوق الدمام كلهم فيهم اسره البيبي ومفارش النفاس يبيلك تمشين وتنقين اللي يعجبك
هذا الجاهز
لو حبيتي تفصيل عندك نجارين في الدمام ناسيه وين مكانهم بالضبط بس مايضيع تقدرين تفصلين اللي تبين وتختارين الخشب اللي يناسبك
وبنسبه لسريرك الاضافي اللي راح يكون بغرفه البيبي تلقينه في كل مكان بالخبر او الدمام او حتى الجبيل فيه كذا محل بالجبيل البلد طريق المدينه عنده غرف واسره تنباع بالحالها واشكالها حلوه
والمفرش حق البيبي تلقينه برضو بمحل الاطفال اللي في سنتر بونت يجيك من لحاف وغطى والمخده والحمايه اللي يجي على الجوانب
وبسسسسس هذا اللي عندي واذا تبين شي علميني