مراحب يا حلوات
اعذروني مشغوله هالفتره من بعد ماراحو ضيوفي
انا وزوجي قاعدين نحاول نرتب البيت ونفضي مكان لأغراض البنوته
ونغسل ملابس ونكويها ونرتب شوية اغراض لـ نزلتي والهدايا اللي باخذها معي
مطلعه شنط وحالتي حاله والشقه مقلوبه ... عشان يمديني اخلص كل شي قبل تجي اختباراته ويصير ماعنده وقت لي ، كذا حتى انا ارتاح بعدين ماراح اقدر الحق على كل شي لحالي
بالنسبه لأخباري مافيه شي جديد .. موعدي يوم الخميس هذا
بشوف وش تقول لي دكتورتي .. يارب يسهلها وكل شي يكون بخير
للحين باقي ما احس يثقل ولا شي ما كني حامل
بس الغثيان رجع لي شوي وألم الظهر
وحركات النونو هي الشي الوحيد اللي محسسني بالحمل
صار التخبيط بكل مكان وبشكل قوي
انا ذابحني ضغطها على مثانتي وربي اوقات احسها بتفجرها
حتى صار تجيه شهه ولا فواق مدري عاد كل وحده وش تسميها 
انا بطل عليكم كل يوم شوي لين اخلص اغراضي واتفرغ لكم
ام جومانا حبيبتي ... ماتشوفين شر ، ريحي وانتبهي على نفسك
ماباقي كثر اللي راح امسكي نفسك وتصبري ولا تتحركين اي حركه
وبعدين حرام عليك تشربين غازيات كثير .. تأثر على الكلى
حرام البيبي يصير الكلى حقته شي ماتسوى عليك
حتى لو بتشربين كميه قليله ، مره او مرتين في الاسبوع بس لا تكثرين
ربي يرفع عنك إن شاءالله ويتمم لك عل خير
نكهة القهوه .. سلامتك ، يا ذا المغص اللي ذابحنا
انا اكتشفت ان فيه بعض الشغلات بالخصوص اذا اكلتها يجيني مغص
انا قالت ليالدكتوره وزن النونو قليل شوي ورحت قريت في النت لقيتم يقولون
الموز والحليب يزيدون وزنه .. كل ما اكلت موزه جاني مغص
واقعد طول يومي اتلوى وما اقدر اكل شي ولا اقدر اتحرك
وبعد التفاح نفس الحكايه .. مع اني كنت اكلهم قبل عادي
انتبهي لنفسك وقدامك العافيه إن شاء الله