شي عجيب وزواج اعجب وتفكير زوجك مريب !!
الحل موجود لكن وين التطبيق
انتي لازم تستقرين بالقصيم مو بحائل
كل المتزوجات يسافرون مع مكان عمل ازواجهم ويستقرون هناك بعد
ليش زوجك رافض الاستقرار
الافضل يكون لكم بيت تغدينه وتعشينه وتجلسين معاه
مو بعد وعند اهله وعند اهلي
افتحي معاه الموضوع لكن بطيب قولي اتمنى اقومك انا من النوم
اتمنى ترجع من الدوام اغديك ومن هالكلام والخرابيط
العيشه مع اهل الزوج لاتطاق لاتطاق لاتطاق
والعيشه مع اهلك ايش استفدنا من الزواج !!
اذا مره مانفع ايش رايك تدخلين اهلك بالموضوع ويكون الكلام بين الرجال
لان وضعك ماينسكت عليه لاتعودين زوجك على البعد اكثر من كذا
لا تعودينه انه مازال عزوبي وعايش حياته مع نفسه
اضغطي عليه وكثر الدق يفك اللحام
وانا يااختي مو شايفه مشكلتك بسيطه بالعكس مشكلتك عويصه ويبيلها مجهود منك
واذا على الحريم صدقيني يظل كلام حريم فاضي لاتعرين له اي اهتمام
ماعليك منهم تكلموا ولا ماتكلموا قولي مو من اخلاقي وتربيتي وديانتي الاسلاميه اتكلم من ورا اختي المسلمه واشمت فيها
واحنا مؤمنين ومتبعين الكتاب والسنه وحب لاخيك ماتحب لنفسك
والعلاقه رسميه من بعدها لاتحتكين مع اهل الزوج ما من وراهم الى المصايب ووجع الراس
واتمنى لك التوفيق وبانتظار مستجداتك
لاتسكتين عن حقك بتندمين بعدين جاهدي من الحين حتى لو تهاوشتوا مصيره يرضى لاسكنتوا سوا